Davis Cup 2017 កម្ពុជាឡើងវគ្គខ្វែងសល់១ប្រកួតក្នុងដៃ ក្រោយបំបាក់ម្ចាស់ផ្ទះ

2017-04-06 07:16:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមកីឡាវាយកូនបាល់កម្ពុជាបានឡើងទៅវគ្គខ្វែងហើយ បន្ទាប់ពីបំបាក់ក្រុមម្ចាស់ផ្ទះបារ៉ែន ៣-០កាលពីល្ងាចម្សិលមិញ ក្នុងការប្រកួត Davis Cup 2017 វគ្គជម្រុះពូល A តំបន់អាស៊ី/អូសេអានី កម្រិតទី៤។

សកម្មភាពប្រកួតម្សិលមិញ

សម្រាប់លទ្ធផលវិញ្ញាសាវាយទោលទី១ កីឡាករ ឡុង សំនៀង (កម្ពុជា) យកឈ្នះកីឡាករ ABDULNABI Hasan (បារ៉ែន) ៦-៤, ៦-៧, 6-២។ វិញ្ញាសាវាយទោលទី២ ប៊ុន កេន្នី (កម្ពុជា) យកឈ្នះកីឡាករ QAED Yusuf (បារ៉ែន) ៦-០, ៦-២។ វិញ្ញាសាវាយគូ អោ សារិទ្ធ ចាប់ដៃគូជាមួយកីឡាករ ម៉ម ផល្គុណ (កម្ពុជា) យកឈ្នះកីឡាករ ABDULNABI Hasan និង ABDULNABI Abdulkarim (បារ៉ែន) : ៦-៣, ៤-៦, ៦-៤។ សរុបជាលទ្ធផលកម្ពុជាយកឈ្នះបារ៉ែន ៣-០។

គិតត្រឹមពេលនេះកម្ពុជាឈ្នះ៣ប្រកួតជាប់គ្នា ពោលគឺប្រកួតលើកទី១ យកឈ្នះប្រទេសមីយ៉ាន់ម៉ា ៣-០ ប្រកួតទី២ យកឈ្នះប្រទេស កៀហ្សីជីស្ថាន ២-១ និងប្រកួតទី៣គឺឈ្នះម្ចាស់ផ្ទះនេះតែម្ដង។ ដោយឡែកមួយប្រកួតដែលនៅសល់កម្ពុជា នឹងត្រូវប៉ះប្រទេស អារ៉ាប៊ីសាអ៊ូឌីត ថ្ងៃទី៧ ខែមេសា ឆ្នាំ២០១៧ ស្អែកនេះ។

ចំណែកនៅពូល B ប្រទេស អូម៉ង់, ម៉ុងហ្គោលី និង សិង្ហបុរី កំពុងមានពិន្ទុប្រដេញគ្នាឡើងទៅវគ្គខ្វែង៕