ពិសេសមែន! ក្រុមហ៊ុនខេមប្រ៊ូ នាំរបាំត្រុដិ មកលេងដល់មុខ Sabay ហ្មង

2017-04-06 08:53:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗកន្លងទៅនេះ ក្រុមហ៊ុន ខេមប្រ៊ូ អិលធីឌី ជារោងចក្រផលិតស្រាបៀរដ៏ធំបំផុតក្នុងប្រទេសកម្ពុជា បាននាំរបាំត្រុដិ ដែលជាប្រភេទរបាំប្រជាប្រិយ និងជាប្រភេទរបាំមួយ ដែលគេនិយមលេងក្នុងពេលចូលឆ្នាំខ្មែរដើម្បីប្រសិទ្ធិសព្វសាធុការ ជូនពរដល់អ្នកភូមិ អ្នកស្រុក បណ្ដេញគ្រោះចង្រៃពីឆ្នាំចាស់ នាំមកនូវភាពសម្បូរសប្បាយសម្រាប់ឆ្នាំថ្មី មករាំលេងដល់ក្រុមហ៊ុន Sabay ផ្ទាល់។

ក្រុមហ៊ុន ខេមប្រ៊ូ បានធ្វើឱ្យបុគ្គលិក Sabay ទាំងអស់គ្នាមានការភ្ញាក់ផ្អើលមិនតិចទេ ព្រោះនៅសុខៗស្រាប់តែមានក្ដាន់មួយក្បាល និងព្រានព្រៃម្នាក់រត់ដេញបាញ់ក្ដាន់ដល់ក្នុងក្រុមហ៊ុនតែម្ដង។ បន្ថែមលើសពីនេះទៀត ក្រុមហ៊ុនមួយនេះ បានជូនកាដូរជាពិសេសជូនដល់ក្រុមហ៊ុន Sabay ទៀតផង។ កាដូរពិសេសនោះ គឺមានការលក់ជូនភេសជ្ជៈ និងស្រាបៀអង្គរដល់បុគ្គលិក Sabay ទាំងអស់ក្នុងតម្លៃដ៏ពិសេស ហើយបានក្រមាដ៏ស្រស់ស្អាតមួយទៀត តាមរយៈ លោក ខេននី លីម ប្រធានផ្នែកទីផ្សារក្រុមហ៊ុន ខេមប្រ៊ូ។

តាមរយៈការសំដែងរបាំនេះ នៅឱកាសបុណ្យចូលឆ្នាំ នៅគ្រប់ស្ថាប័ន ក្រុមហ៊ុន ឬនៅតាមស្រុកភូមិ ប្រជាពលរដ្ឋ គឺតែងមានសេចក្ដីសប្បាយរីករាយ សុភមង្គល លាភសក្ការៈ នឹងកើតមានឡើងក្នុងស្ថាប័ន ក្នុងស្រុក ភូមិរបស់បងប្អូនប្រជាពលរដ្ឋ។ ដូច្នេះចាត់ទុកថា ជាកាដូរដ៏ពិសេសរបស់ក្រុមហ៊ុនខេមប៊្រូ មកដល់ក្រុមហ៊ុន Sabay ក៏ដូចជាបុគ្គលិកទាំងអស់ផងដែរ។