មូលហេតុ ខាត់ វៃហាំង បាត់មុខក្នុងការងារចូលឆ្នាំ ឆ្នាំនេះ!
- 2017-04-08 03:07:46
- ចំនួនមតិ 0 | ចំនួនចែករំលែក 0
មូលហេតុ ខាត់ វៃហាំង បាត់មុខក្នុងការងារចូលឆ្នាំ ឆ្នាំនេះ!
ចន្លោះមិនឃើញ
តារាសម្ដែង ខាត់ វៃហាំង លើកឡើងថាលោកបានបាត់មុខច្រើនក្នុងការងារចូលឆ្នាំថ្មី ២០១៧ នេះដោយសារលោកមានហេតុផលមួយចំនួនតម្រូវឲ្យលោកបដិសេធការងារ។
តួប្រុសរឿង "ពន្លកស្នេហ៍យុវវ័យ" បានលើកឡើងថា ដោយសារតែពេលថ្មីៗនេះក្រុមគ្រួសាររបស់លោកបានជួបនូវហេតុការណ៍អាក្រក់មួយ គឺភ្លើងឆេះផ្ទះ ដែលបានបំផ្លាញទ្រព្យសម្បត្តិនៅក្នុងផ្ទះទាំងស្រុងនៅខេត្ត បន្ទាយមានជ័យ។ "ដោយសារតែហេតុនេះហើយឆ្នាំនេះខ្ញុំចង់នៅក្បែរពួកគាត់ សម្រាប់ថ្ងៃចូលឆ្នាំថ្មីខាងមុខនេះ ហើយអត់ទទួលការងារអ្វីទាំងអស់"។ វៃហាំង បន្ត។
វៃហាំង បន្ថែមថា ជាការពិតទៅមានផលិតករ និង ផលិតកម្ម ជាច្រើនបានទាក់ទងឲ្យលោកថតបទចូលឆ្នាំថ្មី រួមទាំងការងារចំថ្ងៃចូលឆ្នាំថ្មីមួយចំនួនទៀត តែលោកបានពន្យល់ និង សូមបដិសេធហើយផលិតករក៏យល់ដូចគ្នាចំពោះបញ្ហារបស់លោក៕