ដឹងអត់? ខ្សែរឿង Fast and Furious ចំណាយលុយអស់ប៉ុន្មានដោយសារតែខ្ទេចឡាន?
- 2017-04-15 00:07:00
- ចំនួនមតិ 0 | ចំនួនចែករំលែក 0
ដឹងអត់? ខ្សែរឿង Fast and Furious ចំណាយលុយអស់ប៉ុន្មានដោយសារតែខ្ទេចឡាន?
ចន្លោះមិនឃើញ
ដោយសារការកែប្រែសាច់រឿង ពីមួយវគ្គទៅមួយវគ្គ ពីរឿងដែលផ្ដោតទៅលើការប្រណាំងឡាន ទៅជា ប្រភេទរឿង បាញ់ប្រហារលក្ខណៈជាភាពយន្ត Action នៅវគ្គក្រោយៗ ធ្វើឲ្យខ្សែរឿងនេះក្លាយ ជា Franchise យក្យមួយដែលចំណាយលុយមិនចេះតិច ដើម្បីថតមួយវគ្គៗ។
ក្រុមហ៊ុនធានារ៉ាប់រងមួយ បានសហការជាមួយ Nacho Llacer ដែលជាអ្នកប្រឹក្សាយោបល់រថយន្តដ៏ល្បីម្នាក់ ដើម្បីគណនារកតម្លៃដែលគេចំណាយទៅលើការខូចខាតសរុបដែលមាននៅក្នុងស៊េរីខ្សែរឿងនេះ។ បន្ទាប់ពីចំណាយពេលអស់ ១៣ ម៉ោងសម្រាប់មើលរឿងទាំងគ្រប់វគ្គ គេបានសរុបតម្លៃដែលបាត់បង់ ដោយសារការខូចខាតគឺរហូតទៅដល់ជាង ៥២១ លានដុល្លារអាមេរិកឯណោះ។ ដែលតម្លៃនេះសរុបទាំងការខូចខាតរថយន្ត អគារ និង របស់របរដែលត្រូវបានបំផ្លាញក្នុងរឿងនេះទាំងអស់។
គ្រាន់តែ ៧ រឿងតែប៉ុណ្ណោះ យានយន្តចំនួន ១៦៩ គ្រឿងត្រូវបានខូចខាត ហើយ ១៤២ គ្រឿងគឺបាត់បង់ឫខូចខាតទាំងស្រុង នេះបើគិតតែរថយន្តធម្មតា ។ ចំណែកឯរថយន្តដែលល្អៗ គឺគេសន្មត់ថា ខូចខាតអស់ ៣៧ គ្រឿង ខណៈដែលអគារដែលត្រូវខូចខាត គឺមានរហូតដល់ទៅ ៥៣ អគារ។
រថយន្តថ្លៃបំផុតដែលត្រូវបានបំផ្លាញនៅក្នុងខ្សែរឿង "Fast and Furious" គឺ Lykan Hypersport ដែលបានដំឡើងដោយក្រុមហ៊ុន W Motors សម្រាប់ប្រើនៅក្នុងដំណើរថតរឿងនេះ។
ចាប់តាំងពីវគ្គទី៤មក ការចំណាយលើរថយន្តចេះ តែកើនឡើងមិនឈប់ឈរ ដោយមានតម្រូវការជាច្រើនពីសំណាក់អ្នកចូលចិត្តមើលរឿងប្រភេទនេះ។ "Furious 7" គឺជារឿងដែលចំណាយលុយច្រើនជាងគេបង្អស់ដោយចំណាយលុយអស់ជាង ២៨៥ លានដុល្លារសម្រាប់ការខាតបង់៕