មាស ចាន់ណា ថាមិនសមឈ្នះអាស៊ីអឺរ៉ុបបានតែត្រឹម ៤-០ សោះ

2017-04-10 07:16:53
ចំនួនមតិ 0 | ចំនួនចែករំលែក 0

ចន្លោះមិនឃើញ

មាស ចាន់ណា គ្រូធំរបស់ក្រុមបាល់ទាត់ណាហ្គាវើលថាការប៉ះគ្នាជាមួយអាស៊ីអ៊ឺរ៉ុប ម្សិលមិញគួរតែមានគ្រាប់បាល់ច្រើនជាងនេះ ព្រោះលោកឃើញមានឱកាសច្រើន ប៉ុន្តែកូនក្រុមនៅតែរៀបចំខ្លួនមិនបានល្អសម្រាប់ការស៊ុតបញ្ចូលទីនាការប្រកួតលីគកំពូលសប្ដាហ៍ទី៧នេះ។

លោក មាស ចាន់ណា

ក្រោយចប់ការប្រកួតសប្ដាហ៍ទី៧ម្សិលមិញនេះ លោកមាស ចាន់ណា ដែលជាគ្រូបង្គោលរបស់ក្រុមបាល់ទាត់ណាហ្កាវើលបាននិយាយថា បើតាមការរំពឹងទុករបស់លោក មុនការប្រកួតនេះជាមួយក្រុមបាល់ទាត់អាស៊ីអ៊ឺរ៉ុបគិតថាណាហ្គាវើលឈ្នះត្រឹម ២-០ ប៉ុណ្ណោះប៉ុន្តែជាក់ស្ដែងក្រុមរបស់លោកឈ្នះរហូតដល់ទៅ៤គ្រាប់ឯណោះ។ ចំពោះការប្រកួតនេះដែរ គ្រូបង្វឹករបស់ណាហ្កាវើលរូបនេះបន្ថែមទៀតថា តាមមើលការប្រកួតគួរណាស់តែកូនក្រុមរបស់លោកអាចរកគ្រាប់បាល់បញ្ចូលទីច្រើនជាងនេះទៅទៀត។

កីឡាករ ណាហ្កាវើល

នៅពេលក្រុមអាស៊ីអ៊ឺរ៉ុប សម្រុកមកលើក្រុមលោក (ណាហ្គាវើល) ខ្លាំងហើយពេលនោះបាល់ដាច់មាត់ទៅវិញ ជូនកាល ២ ទៅ ៣នាក់ឯណោះកូនក្រុមរបស់លោកនៅតែមិនអាចធ្វើអ្វីបាន។ ដូចជាការបញ្ជូនបាល់ទៅឲ្យគ្នាដើម្បីស៊ុតហាក់មិនយល់ចិត្តគ្នាតែម្ដង បើពួកគេបានបាល់ហើយស៊ុតចូលនោះគ្រាប់បាល់មិនមែនប៉ុណ្ណេះទេ។

កីឡាករ ណាហ្កាវើល

ក្រុមបាល់ទាត់ណាហ្គាវើលយកឈ្នះអាស៊ីអ៊ឺរ៉ុប ៤-០ កាលពីថ្ងៃអាទិត្យ ទី៩ ខែមេសា ឆ្នាំ២០១៧នៅពហុកីឡដ្ឋានជាតិ។ ៤គ្រាប់របស់ណាហ្គាវើលរកបានដោយកីឡាករ Kipson ២គ្រាប់ Kento ១គ្រាប់ និង Kelechi ១គ្រាប់ ការប្រកួតនេះដែរជាការប្រកួតសប្ដាហ៍ទី៧នៃពានរង្វាន់លីគកំពូលកម្ពុជាឆ្នាំ២០១៧នេះ៕

អត្ថបទ៖ នួន ស៊ីណា