ធន់ សុភា ប្រាប់ក្បាច់ពិសេស២ដល់ ម៉ឺន សុភា ដើម្បីផ្ដួលកីឡាករនៅបារាំងឱ្យបាន

2017-04-15 00:54:00
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់ដែលមានឈ្មោះល្បីនាពេលបច្ចុប្បន្នហើយកំពុងមានកូនសិស្សល្អៗនិងមានសមត្ថភាពខ្ពស់ ធន សុភា បានប្រាប់ចំណុចពិសេសៗមួយចំនួនដល់កូនសិស្សសំណព្វរបស់ដើម្បីទៅស្វែងរកជ័យជម្នះលើកីឡាករម្ចាស់ផ្ទះបារាំងពាក់កណ្ដាលខែមេសានេះ។

លោកគ្រូ ធន់ សុភា

គ្រូប្រដាល់គុនខ្មែរ ធន់ សុភា បានឲ្យដឹងថាចំពោះការប្រកួតនៅប្រទេសបារាំងរបស់ ម៉ឺន សុភា ពេលខាងមុខនេះលោកបានបង្ហាត់ស្នៀតមួយចំនួនក៏ដូចជាប្រាប់វិធីសាស្ត្រដែលត្រូវទុកប្រើជាមួយពួកកីឡាករអឺរ៉ុបដែលមានមាឌធំខ្ពស់ជាងខ្លួន។ កីឡាករអឺរ៉ុបភាគច្រើនមានកាយសម្បទារឹងមាំដោយសារពួកគេហាត់យកសាច់ដុំខ្លាំងដូចនេះបើវ៉ៃទៅលើដងខ្លួនពិបាកនឹងយកជ័យជម្នះលើកីឡាករទាំងនោះណាស់។

គ្រូប្រចាំនៅសមាគមប្រដាល់ក្រសួងការពារជាតិរូបនេះបន្តទៀតថា តាមបទពិសោធន៍ផ្ទាល់ខ្លួនរបស់លោកនាពេលកន្លងមក ចំណុចខ្សោយរបស់កីឡាករអ៊ឺរ៉ុបគឺជើងក្រោម និងផ្ទៃមុខ ដូចនេះពេល ម៉ឺន សុភា ប្រកួតគួរណាស់ទាត់ក្រោមឲ្យបានច្រើន នឹងវ៉ៃទៅលើផ្ទៃមុខ ហើយវ៉ៃទៀតសោតមួយៗត្រូវមានទម្ងន់(វ៉ៃឲ្យខ្លាំងៗនិងឈឺៗ) ធ្វើដូចនេះទើបយកជ័យជម្នះលើពួកគេបាន។

កីឡាករ ម៉ឺន សុភា

ការចេញទៅបារាំងលើកទី១នេះ ពិតជាមានសារសំខាន់ណាស់សម្រាប់ ម៉ឺន សុភា ផ្សព្វផ្សាយពីគុនខ្មែរទៅឆាកអន្តរជាតិ នឹងអាចស្វែងរកបទពិសោធន៍ប្រកួតនៅក្រៅប្រទេសបន្ថែមទៀតដើម្បីពង្រឹងសមត្ថភាពនៅពេលត្រៀមចូលរួមកីឡាអាស៊ីអាគ្នេយ៍នៅប្រទេសម៉ាឡេស៊ីខាងមុខនេះ។

កីឡាករ ម៉ឺន សុភា(ឆ្វេង) ធន់ សុភា(កណ្ដាល) ម៉ិល កាដូ(ស្ដាំ)

ការចេញទៅប្រកួតនៅប្រទេសបារាំងនេះជាលើកទី១ហើយ សម្រាប់កីឡាករ ម៉ឺន សុភា និងឡៅ ចន្រ្ទា ខណៈកីឡាករ ចាស់ វស្សា សេន ប៊ុនថេន ទៅប្រកួតនៅទីនោះជិត១០ដងមកហើយ។ កីឡាករតំណាងឲ្យកម្ពុជាទាំង៣ចេញពីកម្ពុជាតាំងពីថ្ងៃទី៦ ខែមេសា ឆ្នាំ២០១៧មកម្ល៉េះ៕

អត្ថបទ៖ នួន ស៊ីណា