LD បង្ហាញស្នាដៃទី១របស់នាយ គ្រឿន ក្នុងឱកាសចូលឆ្នាំថ្មី

2017-04-11 02:13:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ម្សិលមិញនេះផលិតកម្ម LD បានសម្ពោធដាក់បញ្ចាំងខ្សែភាពយន្តខ្នាតធំរឿង "ជួបស៊យ" នៅ រោងភាពយន្ត លេជេន ស្ទឹងមានជ័យ។ រឿងនេះជាស្នាដៃទី១របស់នាយ គ្រឿន ត្រៀមនឹងចាក់បញ្ចាំងក្នុងឱកាសបុណ្យចូលឆ្នាំខ្មែរខាងមុខនេះ។

លោក លៀក លីដា ចាងហ្វាងផលិតកម្ម LD បានឲ្យដឹងថារឿង "ជួបស៊យ" ស្នាដៃលើកទី១របស់នាយគ្រឿន នឹងត្រូវដាក់បញ្ចាំងនៅរោងភាពយន្តទំនើបៗនៅរាជធានីភ្នំពេញនៅថ្ងៃទី ១៣ ខែ មេសា ឆ្នាំ ២០១៧ ខាងមុខនេះមុនចូលឆ្នាំខ្មែរមួយថ្ងៃ។ ចាងហ្វាងផលិតកម្មរូបនេះបន្តថា៖ "ដូចជាអត់មានបញ្ហាទេសម្រាប់ខ្ញុំ ដែលយករឿងនេះមកបញ្ចាំងក្នុងថ្ងៃចូលឆ្នាំ ព្រោះខ្ញុំគិតថាថ្ងៃចូលឆ្នាំអ្នកខ្លះគេទៅខេត្តអ្នកខ្លះពួកគាត់នៅភ្នំពេញ ពួកគាត់ប្រាកដជាទៅរោងកុន"។

លោកថា រឿ "ជួបស៊យ" ផលិតកម្ម LD បានចំណាយដើមទុនអស់៦ ម៉ឺនដុល្លារ ជាប្រភេទរឿងបែបកំប្លែងស្ងួតរបស់នាយគ្រឿន ស៊យតាំងពីឪរហូតដល់កូន សើចតាំងពីដើមរហូតដល់ចប់។ចូលរួមសម្ដែងដោយតារាសម្ដែងល្បីៗមានដូចជា នាយ គ្រឿន កញ្ញា សាឡាត់ ស្រីឡាង កញ្ញា គៀត សុវណ្ណាឡាង លោក ជា សុវណ្ណារាហ៍ និងតារាសម្ដែងប្រុសស្រីជាច្រើនរូបទៀត៕