ក្រោយធ្វើឲ្យប្រិយមិត្តឆ្ងល់រឿងចង្កេះតូច ឥឡូវ ហ្សូរីដា ប្រាប់លេខពិតប្រាកដ

2017-04-11 03:02:38
ចំនួនមតិ 0 | ចំនួនចែករំលែក 0

ចន្លោះមិនឃើញ

ប៉ុន្មានថ្ងៃមុន កញ្ញា ដួង ហ្សូរីដា បានធ្វើឲ្យប្រិយមិត្តមានការងឿងឆ្ងល់ ក្រោយឃើញរូបថតរបស់នាងមួយសន្លឹក នាងមានចង្កេះតូចមិនគួរឲ្យជឿ។ ថ្ងៃនេះ ហ្សូរីដា ប្រាប់ពីលេខចង្កេះពិតប្រាកដរបស់នាង ដើម្បីបញ្ចប់ការសង្ស័យ។

ជួបជាមួយ Sabayកញ្ញា ហ្សូរីដា បញ្ជាក់ថា ដងខ្លួនរបស់នាង គឺប្រើសំលៀកបំពាក់ខ្នាត "S” ឯត្រគាកប្រើខ្នាត "L”។ តែបើនិយាយពីលេខវិញ គឺចង្កេះរបស់នាងមានទំហំ ២៦-២៧ អ៊ីញឯត្រគាក ៣៨-៣៩ អ៊ិញ។

ជាមួយគ្នានេះដែរ បន្ទាប់ពីបញ្ចេញលេខចង្កេះ និងត្រគាកពិតប្រាកដ តារាស្រីរូបនេះ នៅតែបដិសេធ ចំពោះការលើកឡើងថានាង ប្រើបច្ចេកទេសវេជ្ជសាស្ត្រកែកុនចង្កេះរបស់នាង រួមទាំងការប្រើបច្ចេកទេសកុំព្យូទ័រកែកុនរូបនោះ ក៏នាងមិនបានធ្វើដែរ។ រូបភាពពីសប្ដាហ៍មុន ដែលធ្វើឲ្យប្រិយមិត្តឆ្ងល់នោះ គឺជារូបភាពពិតរបស់នាង។

“ចង្កេះតូចហ្នឹងមកពីអាវនឹងវារឹបពេកទេបងអើយ...មិនបានដាក់អីទេ...ជាធម្មតាខ្ញុំច្រើនស្លៀករលុងៗ តែលើកនេះ ដល់ពេលខ្ញុំពាក់អាវបែបខ្មែររឹបៗវិញ ទើបមើលទៅឃើញប្លែក។ តាមធម្មតា ចង្កេះខ្ញុំរៀងតូចស្រាប់ហើយ ត្រូវនឹងអាវវាតូចខ្លាំងទៀត អត់បានល៎មុន អីចឹងទៅវាចង្អៀតខ្លាំង ទើបធ្វើឲ្យឃើញចង្កេះតូចចឹង ខ្ញុំអត់មានបានដាក់អីទេ"។ ដួង ហ្សូរីដា ថ្លែង។

ហេតុផលផ្សេងទៀត ដែលពិធីការិនីទូរទស្សន៍រូបនេះអះអាង ដើម្បីបញ្ចប់ការសង្ស័យលើទំហំចង្កេះរបស់នាង ទីមួយដោយសារនាងមានត្រគាកធំស្រាប់ ជាហេតុធ្វើឲ្យចង្កេះមើលទៅរាងតូច។ ឯទី២ទៀត អាចមកពីបច្ចេកទេសថតដែរ គឺអ្នកថតដាក់កាមេរ៉ាទាបពេក ទើបឃើញតូចដូច្នេះ។

ប៉ុន្តែនាងខ្លួនឯង គឺមិនបានកែកុន ឬប្រើឧបករណ៍អ្វីពីខាងក្នុងជាជំនួយ ដើម្បីឲ្យប្រិយមិត្តមើលឃើញចង្កេះនាងតូចឡើយ៕

អត្ថបទ៖ ស៊ុនហួត