Qualcomm គាស់កកាយទង្វើអប្រិយ Apple តាមពាក្យបណ្ដឹង
- 2017-04-11 07:53:19
- ចំនួនមតិ 0 | ចំនួនចែករំលែក 0
Qualcomm គាស់កកាយទង្វើអប្រិយ Apple តាមពាក្យបណ្ដឹង
ចន្លោះមិនឃើញ
ក្រោយពីរោងការប្ដឹងផ្ដល់ពី Apple ជាច្រើនករណីផ្សេងគ្នាកាលពីខែមករារួចមក ថ្ងៃនេះក្រុមហ៊ុន Qualcomm បានធ្វើការប្ដឹងបកវិញ ដោយបានលើកឡើងពីទង្វើអប្រិយរបស់ Apple តាមរយៈពាក្យបណ្ដឹង។
ក្នុងពាក្យបណ្ដឹងរួមមានការអះអាងថា Apple មានចេតនាប្រើ Modem របស់ Qualcomm ដែលបំពាក់ក្នុង iPhone 7 មិនឲ្យដល់ចំណុចកំពូលរបស់វាដូចនេះធ្វើឲ្យមិនមានដំណើរការប្រសើរជាង Modem ផ្ដល់ដោយក្រុមហ៊ុន Intel។ Qualcomm លើកឡើងថា Apple សម្រេចមិនប្រើប្រាស់មុខងារដែលមានសមត្ថភាពខ្លាំងរបស់ Modem Qualcomm លើ iPhone 7 ហើយនៅពេលដែល iPhone ប្រើ Modem Qualcomm អាចនឹងយកឈ្នះ iPhone ប្រើ Modem Intel នោះ Apple ក៏បានអះអាងទាំងខុសថាទូរសព្ទទាំងពីរប្រភេទគ្មានចំណុចខុសគ្នានោះទេ។
Qualcomm ក៏បានលើកឡើងដែរថា Apple បានហាមឃាត់ខ្លួនមិនឲ្យបញ្ចេញព័ត៌មានទៅកាន់អតិថិជនថា iPhone ប្រើ Modem Qualcomm មានសមត្ថភាពខ្លាំងជាង iPhone ប្រើ Modem Intel នោះ។ Qualcomm បញ្ជាក់ក្នុងពាក្យបណ្ដឹងថា Apple បានគំរាមឲ្យរក្សាភាពស្ងៀមស្ងាត់ពីភាពខុសគ្នារវាង iPhone ដែលប្រើ Modem ពីរផ្សេងគ្នា និង ហាមឃាត់មិនឲ្យមានការប្រៀបធៀបជាសាធារណៈរវាង iPhone ទាំងពីរ។
ការប្ដឹងដទៃទៀតក្នុងពាក្យបណ្ដឹងរួមមានការអះអាងថា Apple បានល្មើសកិច្ចព្រមព្រៀង និង ការចរចាជាមួយ Qualcomm និង ជ្រៀតជ្រែកលើកិច្ចព្រមព្រៀងរបស់ Qualcomm ជាមួយនឹងក្រុមហ៊ុនដទៃជាដើម។
កាលពីខែមករាកន្លងទៅ Apple បានដាក់ពាក្យបណ្ដឹងប្ដឹងក្រុមហ៊ុន Qualcomm ទាមទារសំណង ១ ពាន់លានដុល្លារដោយចោតថា Qualcomm គិតកម្រៃច្រើនលើសលប់លើការប្រើប្រាស់ប៉ាតង់។ បន្ទាប់មកក៏មានពាក្យបណ្ដឹងពីរបន្ថែមទៀតមួយក្នុងប្រទេសចិន និង មួយទៀតនៅចក្រភពអង់គ្លេសដោយករណីទាំងពីរមានជាប់ពាក់ព័ន្ធនឹងការឌីហ្សាញ និង ប៉ាតង់ដូចគ្នា៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
