ថ្ងៃស៊យ Oscar ស៊ុតប៉េណាល់ទីអត់ចូល២គ្រាប់ ចាញ់ក្រុមមកពីជប៉ុន
- 2017-04-11 14:27:43
- ចំនួនមតិ 0 | ចំនួនចែករំលែក 0
ថ្ងៃស៊យ Oscar ស៊ុតប៉េណាល់ទីអត់ចូល២គ្រាប់ ចាញ់ក្រុមមកពីជប៉ុន
ចន្លោះមិនឃើញ
រឿងមិនគួរឱ្យកើតមានសម្រាប់ Oscar កីឡាករកម្រិតកំពូលមួយរូប បានលេចឡើងហើយ ក្នុងការប្រកួត AFC Champions League ល្ងាចមិញនេះ រវាងក្រុម Urawa Reds និង Shanghai SIPG ។
ដោយក្នុងការប្រកួតនេះ ក្រុមអ្នកមានលុយច្រើន Shanghai SIPG បានបរាជ័យក្រោមថ្វីជើង Urawa ក្នុងលទ្ធផល ១-០ ខណៈដែលការប្រកួតនេះ Oscar ហាក់ដូចជារងការអាម៉ាស់ជាងគេ ព្រោះស៊ុតបាល់ពិន័យ១១ម៉ែត្រដល់ទៅ២ដង តែមិនចូលទាំងពីរ។ ក្រុមម្ចាស់ Urawa ជាអ្នកនាំមុខនៅនាទី៤៤ដោយកីឡាករ Silva ជាអ្នកធ្វើបានសម្រេច ឱ្យម្ចាស់ផ្ទះនិងអ្នកគាំទ្រសប្បាយចិត្ត។
ចំណែកឯចូលដល់តង់ទី២វិញ ក្រុមយក្សមកពីចិនក៏ចាប់ផ្ដើមបង្ហាញទម្រង់លេងល្អកាន់តែខ្លាំង ហើយបានបាល់ពិន័យ១១ម៉ែត្រដល់ទៅ២គ្រាប់ថែមទៀតផង។ តែអ្វីដែលគួរឱ្យសោកស្ដាយនោះ គឺ Oscar ដែលជាអ្នកស៊ុតនោះ បែរជាធ្វើមិនបានសម្រេចទាំង២គ្រាប់ទៅវិញ ដោយ១គ្រាប់បុកបង្គោល និង១គ្រាប់ទៀតចាញ់ចាប។ ចប់ការប្រកួត Urawa Reds ១-០ Shanghai SIPG ក្នុងពានរង្វាន់ AFC Champions League ៕