Enrique ថា Barca នឹងពិបាកវាយបក Juventus បន្ទាប់ពីភ្លាត់ចាញ់ ៣-០
- 2017-04-12 01:53:05
- ចំនួនមតិ 0 | ចំនួនចែករំលែក 0
Enrique ថា Barca នឹងពិបាកវាយបក Juventus បន្ទាប់ពីភ្លាត់ចាញ់ ៣-០
ចន្លោះមិនឃើញ
Luis Enrique អ្នកចាត់ការក្រុម FC Barcelona បានលើកឡើងថា ក្រុមរបស់លោក នឹងពិបាកវាយបកទម្លាក់ Juventus បន្ទាប់ពីចាញ់ ៣-០ ក្នុងការប្រកួត UEFA Champions League វគ្គ៨ក្រុម ជើងទី១ នៅប្រទេសអ៊ីតាលី កាលពីយប់មិញ។
Barca បានចាញ់ PSG ៤-០ នៅទឹកដីបារាំង ប៉ុន្តែពួកគេអាចវាយបកជើងទី២ ឈ្នះ ៦-១ វិញ ធ្វើឲ្យពិភពលោកភ្ញាក់ផ្អើលយ៉ាងខ្លាំង។ ប៉ុន្តែចាញ់ Juventus ៣-០ ជើងទី១យប់មិញនេះ អ្នកចាត់ការសញ្ជាតិអេស្ប៉ាញ យល់ថាពិតជាពិបាកណាស់ ដែលត្រូវវាយបកទម្លាក់ក្រុមខ្លាំងអ៊ីតាលី ដូច PSG ប៉ុន្តែក្រុមរបស់លោក នឹងខិតខំដល់ទីបញ្ចប់។
“តង់ទី១ យើងលេងពិបាកមើលដូចកាលប៉ះ PSG ប៉ុន្តែតង់ទី២ ប្រសើរបន្តិច។ នេះជាលើកទី២ ដែលវាបានកើតឡើងរឿងខកចិត្តបែបនេះ។ ការវាយបកពួកគេវិញ ពិតជាពិបាកគិតណាស់ ប៉ុន្តែយើងនឹងព្យាយាម និងខំលេងឲ្យបានល្អបំផុត នៅជើងទី២។ យើងត្រូវតែរៀនសូត្រ និងវិភាគពីការបរាជ័យមួយនេះ ដើម្បីធ្វើឲ្យបានល្អជាងមុន”។ Enrique បានប្រាប់ដល់ Mediaset Premium៕