Brighton បានឡើងមកលេង Premier League វិញ ក្រោយបាត់មុខ៣៤ឆ្នាំ
- 2017-04-18 02:51:25
- ចំនួនមតិ 0 | ចំនួនចែករំលែក 0
Brighton បានឡើងមកលេង Premier League វិញ ក្រោយបាត់មុខ៣៤ឆ្នាំ
ចន្លោះមិនឃើញ
ក្លឹប Brighton បានកក់កៅអីឡើងមកលេងពានរង្វាន់កំពូលអង់គ្លេស English Premier League វិញហើយ ក្រោយពីធានាកៅអីកំពូលនៅពានលំដាប់ទី២ Championship បន្ទាប់ពីឈ្នះ Wigan ២-១ យប់មិញ។
ចាប់តាំងពីឆ្នាំ១៩៨៣ មក ក្រុម Brighton គ្មានឱកាសឡើងទៅលេង Premier League នោះទេ ដោយធ្លាក់មកលេងពានលំដាប់ទី២នេះរហូត។ យ៉ាងណាមិញនៅរដូវកាលនេះដែរ ក្រុមមួយនេះហាក់ធ្វើបានល្អមែនទែន ដោយតាមពីក្រោយក្រុម Newcastle United ជាប់ជានិច្ច ហើយបច្ចុប្បន្ននេះហក់ឡើងទៅលេខ១កំពូលតារាងផង បន្ទាប់ពី Newcastle ភ្លាត់ចាញ់និងស្មើប៉ុន្មានប្រកួត។
សូមបញ្ជាក់ថា Newcastle បច្ចុប្បន្ននេះ ឈរនៅលេខរៀងទី២មាន៨៥ពិន្ទុ ស្របពេលដែលក្រុម Brighton វិញ មាន៩២ពិន្ទុ ក្នុងការប្រកួត៤៣ប្រកួតកន្លងមកនេះ។ បើតាមលទ្ធផល Brighton ឈ្នះតែ១ប្រកួតទៀតប៉ុណ្ណោះ ក្នុងចំណោម៣ប្រកួតនៅសល់ គឺពួកគេអាចលើកពាន Championship បានហើយ៕