អ្នកចាត់ការ AT Madrid ថាប៉ះ Leicester យប់នេះ មិនស្រួលទេ
- 2017-04-18 06:33:00
- ចំនួនមតិ 0 | ចំនួនចែករំលែក 0
អ្នកចាត់ការ AT Madrid ថាប៉ះ Leicester យប់នេះ មិនស្រួលទេ
ចន្លោះមិនឃើញ
លោក Diego Simeone អ្នកចាត់ការក្រុម Atletico Madrid បញ្ជាក់ថាការប៉ះក្រុម Leicester City នៅយប់នេះ គឺជាការប្រកួតដែលពិបាកមួយ មិនមែនជារឿងងាយស្រួលនោះទេ ព្រោះពួកគេមានទម្រង់លេងសឹងតែល្អបំផុតទៅហើយ។
AT Madrid បានយកឈ្នះក្រុម Leicester City ១-០ កាលពីជើងទី១កន្លងទៅ ខណៈដែលរាត្រីម៉ោង១:៤៥នាទីនេះ ពួកគេនឹងត្រូវតតាំងគ្នាម្ដងទៀតក្នុងជើងទី២ នៃពានរង្វាន់ UEFA Champions League ។ ដោយឡែកនៅរាត្រីនេះ លោក Simeone ដែលជាអ្នកចាត់ការក្រុមមកពីអេស្ប៉ាញគិតថាមិនងាយស្រូលក្នុងការយកឈ្នះក្រុមម្ចាស់ផ្ទះបាននោះទេ បើទោះជាមើលទៅ AT Madrid ហាក់ដូចជាមានប្រៀបជាងក៏ដោយ។
“Leicester City កំពុងតែស្ថិតក្នុងទម្រង់ល្អមួយ ហើយពួកគេសឹងតែឈានដល់ចំណុចកំពូលទៅហើយ ក្នុងការប្រកួតប៉ុន្មានប្រកួតមកនេះ។ ពួកយើងក៏ដូចគ្នា យើងកំពុងតែធ្វើបានល្អទៅតាមអ្វីដែលគ្រោងទុក។ យប់នេះ ជាការប្រកួតតឹងតែងបំផុត កាលពីជើងទី១ យើងឈ្នះដោយពិបាក ហើយយប់នេះក៏ដូចគ្នា។ វាជាការប្រកួតស្វិតស្វាញរវាងក្រុមទាំងពីរ”។ សម្ដីរបស់បុរសសញ្ជាតិអាហ្សង់ទីនខាងលើ។
Leicester City កំពុងតែបង្កើតប្រវត្តិសាស្ត្រមួយសម្រាប់ក្លឹបរបស់ខ្លួន បើទោះជាធ្លាក់ត្រឹមវគ្គនេះក៏ដោយ។ មួយវិញទៀតនៅរដូវកាលនេះ ក្រុមមកពីអង់គ្លេសសល់តែមួយនេះឯង ដែលមានឱកាសឡើងដល់វគ្គ៨ក្រុមចុងក្រោយ ចំណែកឯ Manchester City , Arsenal និង Spurs សុទ្ធតែមិនអាចដល់វគ្គនេះទាំងអស់៕