ថៃ អ៊ូរ ថា ឌីម៉ា ពិបាកយកឈ្នះ ក្រុងថេប ពេលជួបគ្នាលើកទី២នេះ

2017-04-18 09:12:41
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់គុនខ្មែរនៅជាយដែនខេត្តបន្ទាយមានជ័យ ថៃ អ៊ូរ លើកឡើងថាការប៉ះគ្នាលើកទី២នេះនឹងកក្រើកជាមិនខាន រវាងជើងខ្លាំងកម្ពុជា ឃីម ឌីម៉ា និង ខុន ក្រុងថេប ហើយការប្រកួតលើកនេះប្រហែលជាមិនដល់៥ទឹកឡើយ។

លោកគ្រូ ថៃ អ៊ូរ

លោក ថៃ អ៊ូរ ប្រធានសមាគមប្រដាល់គុនខ្មែរនៅក្រុងប៉ោយប៉ែត បាននិយាយថា សម្រាប់ការប្រកួតសងសឹករវាងកីឡាករ ឃីម ឌីម៉ា និង ខុន ក្រុងថេប នៅល្ងាចថ្ងៃសុក្រទី២១ ខែមេសា ឆ្នាំ២០១៧ខាងមុខនេះពិតជាល្អមើល។ កីឡាករ ឃីម ឌីម៉ា អាចនឹងពិបាកយកឈ្នះជើងខ្លាំងថៃម្នាក់នេះ ដោយគ្រូមកពីជាយដែនរូបនេះសំអាងថា ការសងសឹកលើកទី២នេះខាងថៃ (ក្រុងថេប) បានត្រៀមខ្លួនរួចរាល់ហើយសម្រាប់ប្រកួត។

ឃីម ឌីម៉ា(ក្រហម) ខុន ក្រុងថេប(ខៀវ)

ការចាញ់លើកទី១នោះ មកពីកីឡាករថៃ (ក្រុងថេប) ម្នាក់នេះទើបប្រកួតនៅប្រទេសរបស់គេរួច បន្ទាបមកត្រូវប្រកួតនៅកម្ពុជាបន្តទៀត លើសពីនេះទៀតនោះ ត្រូវរត់សម្រកទម្ងន់ ហើយសម្រាកមិនទាន់បានប៉ុន្មានម៉ោងផងត្រូវប្រកួតទៀត។ បើនិយាយពីកាយសម្បទាវិញខ្ពស់និងងាយវ៉ៃពីចម្ងាយជាង ឃីម ឌីម៉ា ខណៈពេលនេះទៀតកីឡាករកម្ពុជារូបនេះក៏ជាប់ប្រកួតខ្សែក្រវាត់នៅសង្វៀន CNC ទៀត។

លោក ថៃ អ៊ូរ ជាប្រធានសមាគមប្រដាល់គុនខ្មែរនៅក្រុងប៉ោយប៉ែតខេត្តបន្ទាមានជ័យ ហើយលោកក៏ជាអ្នកនាំកីឡាករថៃមកប្រកួតនៅកម្ពុជាផងដែរ។ នេះជាលើកទី២ហើយចំពោះកីឡាករជើងខ្លាំងទាំងពីរប៉ះគ្នាខណៈលើកទី១នោះគឺ ឃីម ឌីម៉ា ផ្ដួល ក្រុងថេបឲ្យសន្លប់នៅទឹកទី៥៕

អត្ថបទ៖ នួន ស៊ីណា