ឪពុក ឃីម ឌីម៉ា បង្ហាញក្ដីកង្វល់២មុនប៉ះ ក្រុងថេប ថ្ងៃសុក្រ

2017-04-19 08:30:59
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក ហេង ប៊ុនឃីម ដែលជាឪពុកនិងជាគ្រូបង្វឹកកីឡាករជើងខ្លាំងកំពុងល្បីនាបច្ចុប្បន្ន ឃីម ឌីម៉ា បង្ហាញក្ដីកង្វល់២ ចំពោះការប្រកួតរបស់កូនប្រុសនៅថ្ងៃសុក្រទី២១ ខែមេសា ឆ្នាំ២០១៧នេះខាងមុខនេះ។

លោក ហេង ប៊ុនឃីម កំពុងឈរប្រាប់កូន

លោក ហេង ប៊ុនឃីម បាននិយាយថា សម្រាប់ការប្រកួតសងសឹកនៅថ្ងៃសុក្រចុងសប្ដាហ៍នៅសង្វៀនអាស៊ីអាគ្នេយ៍នេះលោកពិតជាមានការបារម្ភមួយចំនួនដែរ៖

ទី១ បារម្ភខ្លាច ឃីម ឌីម៉ា មិនមានកម្លាំងគ្រប់គ្រាន់សម្រាប់ការប្រកួតនេះ ដោយសារមិនបានហាត់ពេញលេញព្រោះជាប់ចូលរួមពិធីបុណ្យចូលឆ្នាំប្រពៃណីខ្មែរ។ ទី២ បារម្ភខ្លាចមានបញ្ហាអ្វីដែលប៉ះពាល់ដល់រូបគេ មិនអាចប្រកួតជម្រុះសន្សំពិន្ទុនៅសង្វៀន CNC សប្ដាហ៍បន្ទាប់ទៀត ព្រោះការប្រកួតនោះសំខាន់សម្រាប់គេ (ឌីម៉ា) បើចាញ់ខាតពិន្ទុហើយអាចរឹតតែមានសម្ពាធនៅក្រោយៗទៀតដោយសារជាកម្មវិធីខ្សែក្រវាត់។

កីឡាករ ឃីម ឌីម៉ា និងអ្នកគាំទ្រ

សម្រាប់ជំនួបសងសឹកជាមួយជើងខ្លាំងថៃ (ខុន ក្រុងថេប) វិញលោកបារម្ភតែរឿងកម្លាំងនោះទេ ព្រោះជាការប្រកួតមិត្តភាពតែប៉ុណ្ណោះ ហេតុតែលោកថាដូចនេះដោយសារឃើញកូនសប្បាយជួបជុំជាមួយក្រុមគ្រួសារនិងមិត្តភ័ក្ដិ ហើយទើបត្រលប់ទៅភ្នំពេញវិញដូចនេះច្បាស់ណាស់មិនមានពេលហាត់នោះឡើយ។

លោក ហេង ប៊ុនឃីម ជាឪពុកបង្កើតរបស់កីឡាករ ឃីម ឌីម៉ា និង ឃីម បូរ៉ា និងជាម្ចាស់ក្លឹបប្រដាល់រស្មីភូមីគាប ខេត្តបន្ទាមានជ័យ។ ក្រៅពីកូនប្រុសបង្កើតទាំងពីរលោកក៏បានបង្ហាត់កីឡាករផ្សេៗរួមទាំងយុវជនថ្នាលជាច្រើនទៀតផងដែរ៕

អត្ថបទ៖ នួន ស៊ីណា