Bar.B.Q ល្បីបំផុតមកពីប្រទេសថៃចំនួន ១០សាខា នឹងមកដល់កម្ពុជាឆាប់ៗនេះ

2017-04-19 09:57:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ភោជនីយដ្ឋានមួយក្នុងចំណោម១០សាខា នឹងបើកសម្ពោធនៅក្នុងផ្សារទំនើបអ៊ីអនក្នុងក្រុងភ្នំពេញនា ខែមិថុនា ហើយសាខាមួយទៀតក៏នឹងត្រូវបើកនៅទីប្រជុំជនមួយទៀត ក្នុងទីក្រុងភ្នំពេញនៃប្រទេសកម្ពុជានៅចុងឆ្នាំនេះដែរ។

ការរីកចម្រើននូវវិស័យនេះគឺដោយសារមានក្រុមគ្រួសារ និងក្មេងជំទង់កាន់តែច្រើនឡើងៗបានចេញទៅបរិភោគនៅខាងក្រៅជាញឹកញាប់ ដោយម្នាក់ៗចំណាយប្រហែល ៥ដុល្លារសហរដ្ឋអាមេរិកសម្រាប់អាហារថ្ងៃត្រង់ និង ១០ដុល្លារសហរដ្ឋអាមេរិក សម្រាប់អាហារពេលល្ងាច ហើយពួកគេចេញទៅបរិភោគបែបនេះបីបួនដងក្នុងមួយខែ។

រាល់គ្រឿងផ្សំទាំងឡាយនឹងត្រូវបានផ្គត់ផ្គង់ដោយផ្ទាល់ពីទីស្នាក់ការកណ្ដាលនៃម្ហូបអាហារ (central kitchen) របស់ក្រុមហ៊ុន Food Passion Co.,Ltd នៅក្នុងប្រទសថៃ។ បាប៊ីឃ្យូផ្លាហ្សា នឹងមានវត្តមាននៅទីតាំងសំខាន់ៗដែលជាបេះដូងនៃទីក្រុងរបស់ប្រទេសកម្ពុជា ហើយនឹងមានការជួយគាំទ្រតាមរយៈការចុះធ្វើយុទ្ធនាការផ្សព្វផ្សាយដ៏មានប្រសិទ្ធភាពតាមរយៈយុទ្ធសាស្ត្រ “យើងស្រឡាញ់បាប៊ីឃ្យូផ្លាហ្សាប្រ៊ែន”។

លោក Kevin Whitcraft ក៏មានប្រសាសន៍បន្ថែមថា៖ “ដំបូងយើងគ្រោងរៀបថវិកាជាង ១៥០លានបាត ដើម្បីបើកដំណើរការ ភោជនីយដ្ឋានបាប៊ីឃ្យូផ្លាហ្សាយ៉ាងហោចណាស់ ១០សាខាចាប់ពីឆ្នាំនេះរហូតដល់ឆ្នាំ ២០២២។ ឆ្នាំនេះ យើងមានផែនការបើកហាងចំនួន២នៅចំបេះដូងនៃរាជធានីភ្នំពេញ៖ ហាងទី១ជាគម្រោងដ៏ធំនៅក្នុងផ្សារទំនើបអ៊ីអន និងទី ២បើកនៅក្នុងខណ្ឌទួលគោក”។

លោក Kevin Whitcraft

លោក Kevin Whitcraft នាយកប្រតិបត្តិនៃក្រុមហ៊ុន RMA Group ដែលជាក្រុមហ៊ុនមេនៃក្រុមហ៊ុន EFG បានមានប្រសាសន៍ថា៖ “EFG មាន បំណង ពង្រីកនូវកេរ្តិ៍ឈ្មោះរបស់ ក្រុមហ៊ុន តាម រយៈ ការដាក់ឲ្យដំណើរការនូវភោជនីយដ្ឋានសាច់អាំង ដែលកំពុងពេញនិយមបំផុតនៅក្នុងវិស័យភោជនីយដ្ឋានដែលចម្អិនអាហារដោយខ្លួនឯងនៅក្នុងព្រះរាជាណាចក្រកម្ពុជា។

លោកបានមានប្រសាសន៍ថា៖ “បាប៊ីឃ្យូផ្លាហ្សាបានទទួលជោគជ័យយ៉ាងធំធេងនៅក្នុងប្រទេសថៃ និង បរទេស ហើយវានឹងធ្វើឲ្យអតិថិជនកម្ពុជាទទួលបាននូវបទពិសោធន៍លើអាហារបែបបាប៊ីឃ្យូដ៏ល្អបំផុតតាមរយៈ ប្រព័ន្ធចម្អិនដ៏មានប្រសិទ្ធិភាពខ្ពស់។

អ្នកស្រី Chataya Supanpong ប្រធានទំនាក់ទំនងរបស់ក្រុមហ៊ុន Food Passion Co.,Ltd បានមានប្រសាសន៍ថា៖ ”ក្រុមហ៊ុនរបស់អ្នកស្រីបានបើកធ្វើអាជីវកម្មក្នុងវិស័យភោជនីយដ្ឋាននេះមានយ៉ាងហោចណាស់ ៣០ភោជនីយដ្ឋាននៅ អាស៊ីអាគ្នេយ៍ជាពិសេសនៅក្នុងប្រទេសកម្ពុជា ឡាវ មីយ៉ាន់ម៉ា និងវៀតណាមដោយមានទឹកប្រាក់សរុបចំនួន ៦០០លានបាតនៅឆ្នាំ ២០២០”។

អ្នកស្រី Chataya Supanpong

Bar.B.Q Plazaគឺជាភោជនីយដ្ឋានបាប៊ីឃ្យូដ៏មានប្រជាប្រិយបំផុតមួយនៅក្នុងប្រទេសថៃដោយមានសាខាជាង ១៣០សាខានៅទូទាំងប្រទេសថៃ និង បរទេស។ មកដល់ពេលនេះ មានភោជនីយដ្ឋានចំនួន ១៩ភោជនីយដ្ឋាន Bar.B.Q Plaza ត្រូវបានបើកទ្វារបម្រើអតិថិជន ក្នុងនោះមានភោជនីយដ្ឋានចំនួន ១៧ត្រូវបានបើកដំណើរការនៅក្នុងប្រទេសម៉ាឡេស៊ី និង ២ទៀតនៅក្នុងប្រទេសឥណ្ឌូនេស៊ី។ ក្រុមហ៊ុនមានគម្រោងបង្កើនចំនួនសាខានៅឯបរទេសឲ្យបាន ២៣សាខាបន្ថែមទៀតនៅចុងឆ្នាំ ២០១៧នេះដោយ ១៨សាខានៅប្រទេសម៉ាឡេស៊ី ៣នៅប្រទេសឥណ្ឌូនេស៊ី និង ២នៅក្នុងប្រទេសកម្ពុជា៕