Cellcard Lab កម្មវិធីជំរុញយុវជនខ្មែរឲ្យសម្រេចក្ដីសុបិន បានបញ្ចប់វគ្គទី២ ហើយ

2017-04-19 10:00:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមយុវជន និងសហគ្រិនវ័យក្មេង ៨ក្រុម កំពុងស្វែងរកដំណោះស្រាយបញ្ហាសង្គមកម្ពុជា ដើម្បីលើកស្ទួយអាជីវកម្មក្នុងស្រុក និងជំរុញយុវជនខ្មែរឲ្យឈានទៅសម្រេចក្ដីសុបិនរបស់ខ្លួន នៅពេលពួកគេក្លាយជាជ័យលាភីក្នុងកម្មវិធី Cellcard Lab ដែលរៀបចំដោយ Cellcard និង Impact Hub។

កម្មវិធីដែលជួយលើកស្ទួយយុវជនខ្មែរក្នុងការប្រែគំនិតអាជីវកម្មសង្គមរបស់ខ្លួនឲ្យក្លាយជាការពិតនេះ បានបញ្ចប់ការប្រកួតជុំ ទី២ ហើយ ដោយមានគម្រោងដូចជា៖

DerPrey
C-Fit
MY HOME
Mekong Farm
Krop Knea
La Chhouk Recycled and Creative Fashion
RDS
ជីវិតបៃតង

ក្រុម ៣ ដែលឈ្នះ នឹងបានរង្វាន់ជាប្រាក់សុទ្ធ និងអត្ថប្រយោជន៍ផ្សេងៗពីក្រុមហ៊ុនទូរស័ព្ទក្នុងការជួយគាំទ្រគំនិតអាជីវកម្មរបស់ពួកគេឲ្យមានវត្តមានលើទីផ្សារ។

Cellcard Lab ជាកម្មវិធីគំរូអាជីវកម្មមួយដែលមានពេល ៦សប្ដាហ៍ សម្រាប់សហគ្រិនវ័យ ១៨-៣០ឆ្នាំដែលចង់ប្រែក្លាយគំនិតអាជីវកម្មសង្គមរបស់ខ្លួន ឲ្យទៅជាអាជីវកម្មពិតប្រាកដ និងនាំយកផលិតផលរបស់ខ្លួនដល់ទីផ្សារផងដែរ។ Cellcard Lab នឹងប្រកាសជ័យលាភី ៣ក្រុម រៀងរាល់ត្រីមាសនៃអាជីវកម្ម។

Cellcard Lab ក៏ផ្ដល់ជូនបេក្ខភាពចុងក្រោយទាំងអស់នូវការហ្វឹកហាត់ វគ្គសិក្ខាសាលា និងការគាំទ្រអាជីវកម្ម ដោយវាគ្មិនល្បីៗដូចជា អ្នកដឹកនាំកម្មវិធី Cellcard ChangeMaker លោក ញឹម ឈុននី,Maelle Barbancon អ្នកសម្របសម្រួលមកពី Friends International’s technical និង Laura Smitheman សហស្ថាបនិក Impact Hup Phnom Penh។

៣ ចំណុចដែលផ្ដល់ឲ្យនេះ ផ្ដោតសំខាន់លើការជួយបេក្ខភាពជុំចុងក្រោយដើម្បីបង្កើនគំរូអាជីវកម្មរបស់ខ្លួនការបង្កើតក្រុម ដំបូន្មានច្នៃប្រឌិត ជួយសហគ្រិនក្នុងការអនុវត្ត និងប្រតិបត្តិលើគំនិតទាំងនោះឲ្យកាន់តែប្រសើរឡើង។ ជាការផ្ដល់រង្វាន់បន្ថែម ក្រុមទាំង ៨ ចុងក្រោយអាចប្រើប្រាស់សាលសហកិច្ចការរបស់ Hub បាន។

លោក ឡាសស្លូ បារតា(Laszlo Barta ) នាយកពាណិជ្ជកម្មCellcard បានអបអរដល់ជ័យលាភី និងនិយាយថា ទោះបីពួកគេនៅក្មេង ប៉ុន្តែពូកគេបានបង្ហាញពីសមត្ថភាព គំនិតច្នៃប្រឌិត និងបានឆ្លុះបង្ហាញពីការប្ដេជ្ញាចិត្តដ៏រឹងមាំក្នុងការនាំយកគំនិតរបស់ខ្លួនឲ្យលេចចេញលទ្ធផលជាផ្លែផ្កា និងឥទ្ធិពលដ៏ល្អមួយ។

លោកបញ្ជាក់ថា៖ "ស្តង់ដារទាំងមូលដែលទទួលបានគឺស្ថិតក្នុងលំដាប់ខ្ពស់ដែលកំពុងឆ្លើយតបយ៉ាងពេញលេញទៅនឹងវគ្គដំបូងរបស់ Cellcard Lab ហើយបង្ហាញថាទេពកោសល្យកម្រិតណាដែលយើងរង់ចាំទទួលបានការផ្ដល់ឱកាសសម្រាប់ខ្លួន"។

លោកបន្តទៀតថា៖ "ផ្អែកលើកត្តានេះ និងសុទិដ្ឋិនិយមដែលបានបង្ហាញតាមរយៈសិក្ខាកាមរបស់យើងក្នុងការខិតខំព្យាយាមបង្កើតអ្វីថ្មីប្លែក យើងមានជំនឿចិត្តថាយុវជនសព្វថ្ងៃ នឹងដើរតួនាទីសំខាន់ក្នុងការលើកស្ទួយអាជីវកម្ម និងបរិយាកាសសហគ្រាសនៅកម្ពុជានាអនាគត"។

សម្រាប់ព័ត៌មានបន្ថែមពី Cellcard Lab ចូលទៅ http://www.cellcard.com.kh/en/cellcard-lab/

ដោយ៖ វិទូ