Facebook បញ្ចេញមុខងារថ្មីមិនធ្លាប់មាន អាចជជែកលេងជាមួយមិត្តភ័ក្តិក្នុងពិភពសិប្បនិមិត្ត

2017-04-20 03:17:42
ចំនួនមតិ 0 | ចំនួនចែករំលែក 0

ចន្លោះមិនឃើញ

Facebook បានប្រកាសនូវមុខងារថ្មីមួយទៀតគឺ Facebook Spaces ជាកម្មវិធីថ្មីមួយ ដែលអនុញ្ញាតឲ្យអ្នកដើរលេងជាមួយមិត្តភ័ក្ដិរបស់នៅក្នុងលំហសិប្បនិមិត្ត។ កម្មវិធី VR ថ្មីអាចឲ្យអ្នកដើរលេងជាមួយមិត្តភ័ក្ដិយ៉ាងសប្បាយរីករាយក្នុងពិភពសិប្បនិម្មិត បើសិនស្ថិតនៅបន្ទប់ដូចគ្នា។

ក្រឡេកមើលលក្ខណៈពិសេសនៃ Facebook Spaces ខាងក្រោមនេះ៖

ប្រែក្លាយខ្លួនរបស់អ្នកនៅក្នុង VR។ អ្នកអាចបង្កើតអត្តសញ្ញាណតំណាងឲ្យរូបពិតរបស់អ្នកដូចនៅក្នុង Facebook Spaces។
គ្រាន់តែជ្រើសរើសរូបណាមួយនៅក្នុង Facebook របស់អ្នក នោះអ្នកនឹងឃើញជម្រើសសម្រាប់រូបរាងនៅលើ VR។ អ្នកអាចប្ដូរពណ៌ភ្នែក ម៉ូតសក់ ទម្រង់មុខ និងជាច្រើនទៀតរហូតដល់រូបរាងរបស់អ្នកសមនឹងអត្តសញ្ញាណរបស់អ្នក។

ទទួលបានភាពសប្បាយរីករាយ និងចែករំលែកបទពិសោធន៍មួយគ្នា។ នៅពេលអ្នកសម្រេចយករូបរាងសិប្បនិម្មិតរួចរាល់ហើយ អ្នកអាចចូលទៅក្នុងបទពិសោធន៍ថ្មី និងអញ្ជើញមិត្តរបស់អ្នកនៅក្នុង Facebookមកចូលរួមជាមួយគ្នា។ អ្នកអាចបង្កើតរបស់សិប្បនិម្មិតចេញពីការស្រមៃរបស់អ្នកដោយការតុបតែងជាការគូរដោយដៃ។

អ្នកក៏អាចស្វែងរកនូវមាតិកាផ្សេងៗនៅលើ Facebook ដោយចុងម្រាមដៃរបស់អ្នកដើម្បីមើលជាមួយមិត្តភ័ក្ដិនៅលើ VR រួមបញ្ចូលទាំង វីដេអូ ៣៦០ដឺក្រេ និងរូបភាពដែលអាចនាំអ្នកទៅកាន់កន្លែងថ្មីមួយបាន។

Facebook អនុញ្ញាតឲ្យអ្នកទទួលទូរស័ព្ទមិត្តភ័ក្ដិនៅក្នុងពិភពពិតប្រាកដជាមួយនឹងការហៅចូលជាវីដេអូនៅលើ Messenger ដូច្នេះអ្នកអាចនាំយកមនុស្សទាំងនេះទៅកាន់ VR Spaces បាន។ ពួកគេអាចឆ្លើយការហៅរបស់អ្នកនៅលើទូរស័ព្ទរបស់ពួកគេភ្លាមចូលទៅក្នុងពិភពនិម្មិតរបស់អ្នក។