កុំកុំ ធ្លាប់វាយជើងកាង៨នាក់ដេកពេទ្យ ព្រោះហ៊ានលូកលាន់មិត្តស្រីក្នុងក្លឹប
- 2017-04-21 03:03:17
- ចំនួនមតិ 0 | ចំនួនចែករំលែក 0
កុំកុំ ធ្លាប់វាយជើងកាង៨នាក់ដេកពេទ្យ ព្រោះហ៊ានលូកលាន់មិត្តស្រីក្នុងក្លឹប
ចន្លោះមិនឃើញ
តារាក្បាច់គុនចិន Donnie Yen ធ្លាប់វាយបងតូចបងធំ៨នាក់ឲ្យសម្រាកក្នុងពេទ្យ បន្ទាប់ពីពួកគេបំពានលើតារាស្រី Joey Meng ដែលធ្លាប់ជាមិត្តស្រីរបស់លោកកាលពីអតីតកាល។
តាមពិតទៅនេះមិនមែនជារឿងថ្មីទេ ព្រោះហេតុការណ៍បានកើតឡើងតាំងពីចុងឆ្នាំ១៩៩០ក្នុងទីក្រុងហុងកុងមកម៉េ្លះ។ តាមការឲ្យដឹង Yen និង Meng បានទៅកម្សាន្តក្នុងក្លឹបរាត្រីមួយកន្លែង នៅពេលនេះស្រាប់តែលេចមុខជើងកាងម្នាក់បានចាប់អារម្មណ៍និងលូកលាន់លើ Meng នៅចំពោះមុខកុំកុំ។
ភ្លាមនោះ Yen បានព្រមានទៅជើងកាងម្នាក់នោះ ប៉ុន្តែគេមិនស្ដាប់។ បន្ទាប់មកគូស្នេហ៍ទាំងពីរបានព្យាយាមដើរចេញពីក្លឹប តែក្រុមជើងកាងបានបន្តតាមនិងវាយកុំកុំ។ ជារឿងដ៏ភ្ញាក់ផ្អើល ក្រុមអ្នកលេងទាំង៨ត្រូវបានគេឃើញដេកពេទ្យទាំងអស់ ព្រោះតែ Donnie Yen វាយដើម្បីការពារខ្លួន។ ក្រោយមកប៉ូលិសបានចាប់ខ្លួន Yen ប៉ុន្តែក៏បានដោះលែងវិញ បន្ទាប់ពីស៊ើបរកឃើញការពិត។ យ៉ាងណានេះគ្រាន់តែជារឿងអតីតកាល បច្ចុប្បន្ន Yen និង Mengសុទ្ធតែមានប្ដីប្រពន្ធរៀងខ្លួន៕