អតីតអ្នកកីឡាកាសម្នាក់ មកសំងំហាត់ក្បាច់គុនខ្មែរ២ឆ្នាំ រំពឹងល្បីឈ្មោះថ្ងៃមុខ

2017-04-22 00:13:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសសាច់ដុំជនជាតិអាហ្វ្រិក Emmanuel Onyedikachi ស្រឡាញ់ក្បាច់ប្រដាល់គុនខ្មែរនិងមានក្ដីប្រាថ្នាចង់សាងកេរ្តិ៍ឲ្យល្បីនៅតាមរយៈការប្រកួតគុនខ្មែររបស់ខ្លួននៅថ្ងៃអនាគត។

កីឡាករ Emmanuel Onyedikachi

អ្នកប្រដាល់ដើមកំណើតវ៉ៃក្នុងទ្រុងនិងអ្នកជាអ្នកវ៉ៃកីឡាកាសផងនោះ Emmanuel Onyedikachi បានឲ្យដឹងថា រូបគេពិតជាស្រឡាញ់វិស័យប្រដាល់គុនខ្មែរខ្លាំងហើយនឹងប្ដេជ្ញាចិត្តខំប្រឹងប្រែងហ្វឹកហាត់ឲ្យខ្លាំងដើម្បីឲ្យល្បីដូចរៀមច្បង ចាន់ រតនា នៅកម្ពុជា។ កីឡាករសាច់ដុំធំៗម្នាក់នេះបន្ថែមទៀតថា គិតមកដល់សព្វថ្ងៃនេះគេរស់នៅកម្ពុជាបាន៩ឆ្នាំមកហើយ បើនិយាយពីការចូលហាត់ប្រដាល់នៅទីនេះប្រហែលជា២ឆ្នាំ គឺហ្វឹកហាត់ជាលោកគ្រូ ចាន់ រតនា និងហាត់ប្រដាល់សកលពីគ្រូជនជាតិគុយបាផងដែរ។ តបនិងសំនួរសួរថាចេះក្បាច់អ្វីខ្លះ បុរសមាឌធំរូបនេះឆ្លើយទាំងញញឹមថា គេចេះគ្រប់ក្បាច់អស់ហើយ គ្រាន់តែមិនទាន់បញ្ចេញព្រោះអាចដៃគូគេដឹងក្បាច់។

កីឡាករ Emmanuel Onyedikachi

អ្នកប្រដាល់គុនខ្មែរថ្មីថ្មោងរូបនេះរំពឹងទៀតថា នៅពេលខាងមុខគេចង់ឡើងប្រកួតឲ្យបានញឹកញាប់បន្តិច ហើយគេគិតថាឡើងប្រកួតឲ្យឈ្នះត្រឹម១០ទៅ១១ដង នឹងល្បីឈ្មោះនៅកម្ពុជាហើយ ណាគេជាកីឡាករស្បែកខ្មៅទី១ដែលឡើងប្រដាល់គុនខ្មែរនៅកម្ពុជា។

Emmanuel Onyedikachi ធ្លាប់ប្រកួតក្បាច់គុនជម្រុះ៦ដង ឈ្នះ៥ និងចាញ់១ដង និងធ្លាប់ប្រកួតក្បាច់គុនបុរាណខ្មែរបាន១លើកដែរគឺយកឈ្នះកីឡាករ សល់ អាមូល ឲ្យសន្លប់ក្នុងទឹកទី៣នៅសង្វៀនបាយ័នបឹងស្នោ៕

អត្ថបទ៖ នួន ស៊ីណា