ត្រចៀកកាំ និងព្រះអង្គម្ចាស់ទី៥ ចាប់ដៃគ្នាបង្កើតស្នាដៃថ្មីទៀតហើយ!
- 2017-04-21 08:25:47
- ចំនួនមតិ 0 | ចំនួនចែករំលែក 0
ត្រចៀកកាំ និងព្រះអង្គម្ចាស់ទី៥ ចាប់ដៃគ្នាបង្កើតស្នាដៃថ្មីទៀតហើយ!
ចន្លោះមិនឃើញ
សារព័ត៌មានរបស់ចិន Sina បានរាយការណ៍ថា កាលពីល្ងាចថ្ងៃទី ២០ ខែមេសា ម្សិលមិញនេះ តារាស្រីដែលជាសេដ្ឋីនី Zhao Wei បានមានវត្តមានក្នុងពិធីជប់លៀងសម្រាប់ក្រុមការងារផលិតភាពយន្ត "The Devotion Of Suspect X"។
ខ្សែភាពយន្តមួយនេះ ជាស្នាដៃដឹកនាំរឿងផ្ទាល់ដោយ តារាប្រុសមុខក្មេងមិនចេះចាស់ Alec Su ។ ក្នុងនាមជាមិត្តជិតស្និទ្ធនឹងគ្នាអស់ រយៈពេលជាច្រើនឆ្នាំ Zhao Wei និង Alec តែងតែជួយគាំទ្រ និងលើកទឹកចិត្តគ្នាទៅវិញទៅមក នៅលើវិថីសិល្បៈនេះ។ អ្វីដែលគួរឲ្យភ្ញាក់ផ្អើល អ្នកទាំង២ បានបើកក្រុមហ៊ុនភាពយន្តមួយរួមគ្នា ដែលមានឈ្មោះថា "YII Film"។
យ៉ាងណាមិញចំពោះ រឿង "The Devotion Of Suspect X" របស់ក្រុមហ៊ុនភាពយន្តមួយនេះត្រូវបានចំណាយទុនអស់រាប់លាន ទាំងការផលិត និងផ្សព្វផ្សាយរឿង។ ម្យ៉ាងវាក៏ជាការដាក់ទុនផលិតរួមគ្នា រវាង Alec និង Zhao Wei ផងដែរ។
មតិអ្នកប្រើប្រាស់អ៊ីនធើណិតមួយចំនួនបានលើកឡើងថា ការសហការគ្នានេះនឹងទទួលបានជោគជ័យ និងចំណេញលឿន ដោយអាស្រ័យលើ ភាពវៃឆ្លាតផ្នែកជំនួញរបស់តួស្រី ត្រចៀកកាំ និងភាពជាសហគ្រិនរបស់នាងផង៕