គ្រូប៉ូលិសថា ចាញ់អាស៊ីអឺរ៉ុបយប់មិញដោយសារស្មារតី

2017-04-23 06:24:20
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក នុត សូនី គ្រូបង្វឹកក្លឹបអគ្គស្នងការដ្ឋាននគរបាលជាតិបានលើកឡើងថា ក្រុមខ្លួនបរាជ័យក្រោមថ្វីជើង អាស៊ីអឺរ៉ុប ២-១ យប់មិញដោយសារស្មារតីខ្សែការពារជ្រួលច្របល់។

លោក នុត សូនី

ក្រុមប៉ូលិសបានបង្កើតឱកាសនាំមុខមួយគ្រាប់មុននៅដើមវគ្គទី១ ប៉ុន្តែភាពសប្បាយរីករាយរបស់ម្ចាស់ផ្ទះមិនបានប៉ុន្មានផង ក៏ត្រូវក្រុមភ្ញៀវតាមបានស្មើនៅនាទីទី១៤ ដោយកីឡាករ Bisan Georg និងបន្ថែមគ្រាប់បាល់មាំមុខវិញនៅនាទីទី៣៦ ដោយកីឡាករ Gbenga។ បញ្ចប់ការប្រកួត ប៉ូលិស ចាញ់ អាស៊ីអឺរ៉ុប ២-១។

គ្រូបង្វឹកដែលទើបឡើងកាន់តំណែងរូបនេះបានឲ្យដឹងថា ការបរាជ័យដោយសារខ្សែការពារក្រុមរបស់ខ្លួនមានស្មារតីជ្រួលច្របល់ពេកនៅពេលឃើញខ្សែប្រយុទ្ធអាស៊ីអឺរ៉ុបកីឡាករ Gbenga និង Bisan Georg គ្រប់គ្រងបាល់។ យ៉ាងណាការបរាជ័យនេះលោកគិតថា អាចមកពីកូនក្រុមរបស់ខ្លួនសម្រាកបុណ្យចូលឆ្នាំខ្មែរដើរលេងច្រើន ហើយហ្វឹកហាត់ប្រមូលកម្លាំងមកវិញមិនបានគ្រប់គ្រាន់។

ប៉ុន្តែទោះការត្រៀមខ្លួនមិនសូវបានល្អលោកមើលឃើញថា កូនក្រុមរបស់ខ្លួនបានប្រឹងប្រែងអស់សមត្ថភាពទៅហើយ។ ការចាញ់នេះអាចមកពីក្រុមរបស់ខ្លួនគ្មានសំណាង ទោះប្រឹងបង្កើតឱកាសច្រើនដងយ៉ាងណា នៅមិនអាចទម្លាយសំណាញ់ទីអាស៊ីអឺរ៉ុបបាន។