គូស្នេហ៍ថតមាត់សមុទ្រ ត្រូវទឹករលកកួចទម្លាក់ស្លាប់ទាំងពីរ

2017-04-23 09:54:20
ចំនួនមតិ 0 | ចំនួនចែករំលែក 0

ចន្លោះមិនឃើញ

វីដេអូមួយត្រូវបានគេចែកចាយពេញបណ្ដាញសង្គមរហូតមានអ្នកមើលជាង ២លានដង ដោយរៀបរាប់ពីគូស្នេហ៍វ័យក្មេងមួយគូឈរថតលើដុំថ្មមាត់សមុទ្រត្រូវទឹករលកកួចទម្លាក់បណ្ដាលឲ្យស្លាប់បាត់បង់ជីវិតទាំងពីរនាក់។

បុរសជាជនរងគ្រោះត្រូវគេដឹងថាមានអាយុ ២៤ឆ្នាំ ចំណែកនារី អាយុ ១៩ ឆ្នាំ បានបបួលគ្នាថតកម្សាន្តនៅមាត់សមុទ្រនៃឆ្នេរ Rio Das Ostras Blue Coast ប្រទេសប្រេស៊ីល កាលពីប៉ុន្មានថ្ងៃកន្លងទៅនេះ។

មុនកើតហេតុ ពួកគេឈរនៅគែមដុំថ្មមាត់ទឹក ស្រាប់តែមានរលកធំៗបក់ផ្ទប់ភ្លាមៗទាញអ្នកទាំងធ្លាក់ទឹក រួចរលករុញច្រានជនរងគ្រោះផ្ទប់នឹងដុំថ្មគួរឲ្យវេទនា ខណៈអ្នកទី ៣ ឈរថតបានត្រឹមតែស្រែកឲ្យគេជួយ។

នារីរងគ្រោះត្រូវបានគេស្រង់ឡើងគោក រួចបញ្ជូនទៅកាន់មន្ទីរពេទ្យតែបានដាច់ខ្យល់ស្លាប់ ចំណែកបុរសជាជនរងគ្រោះមិនត្រូវបានគេរកឃើញឡើយ រហូតរយៈពេល ៤ថ្ងៃក្រោយទើបសពអណ្ដែតឡើង៕ សូមទស្សនាវីដេអូខាងក្រោម៖

អត្ថបទ៖ ឡេង ភារុណ

ប្រភព៖ documentingreality