ភ្លៀងកក់ខែ លាយខ្យល់កន្ត្រាក់ ឆក់យកជីវិតមនុស្ស និងបង្កការខូចខាតច្រើនកន្លែង
- 2017-04-24 01:15:29
- ចំនួនមតិ 0 | ចំនួនចែករំលែក 0
ភ្លៀងកក់ខែ លាយខ្យល់កន្ត្រាក់ ឆក់យកជីវិតមនុស្ស និងបង្កការខូចខាតច្រើនកន្លែង
ចន្លោះមិនឃើញ
គ្រោះធម្មជាតិ ភ្លៀងកក់ខែលាយឡំនិងខ្យល់កន្ត្រាក់បោកបក់ បានបង្កការខូចខាតសាលា និងផ្ទះសម្បែងប្រជាពលរដ្ឋនៅតាមបណ្ដាខេត្ត។
តាមការផ្សព្វផ្សាយ របស់ក្រសួងធនធានទឹក និងឧតុនិយម អគារសិក្សា១ខ្នង នៃវិទ្យាល័យតេជោ ហ៊ុន សែនសួង ខេត្តត្បូងឃ្មុំ ត្រូវខ្យល់វាយរបើកដំបូល កាលពីថ្ងៃទី ២៣ មេសា ឆ្នាំ២០១៧កន្លងទៅ។
ដោយឡែក គ្រោះធម្មជាតិដដែលនៅក្នុងខេត្តព្រះវិហារ បានសម្លាប់មនុស្ស១នាក់ និង៣នាក់រងរបួស ហើយផ្ទះ១៤ខ្នង ដួលរលំរាបដល់ដី។ បន្ថែមពីនោះ អគារវិទ្យាល័យ ១ខ្នង និងផ្ទះ ៨០ខ្នង របើកដំបូល ដោយសារភ្លៀងកក់ខែ និងខ្យល់កន្ត្រាក់នោះផងដែរ នាថ្ងៃ២៣ មេសា ២០១៧ ក្នុងភូមិសាស្ត្រស្រុកជាំក្សាន្ត។
ដោយឡែក ខេត្តកំពង់ចាម ភ្លៀងកក់ខែ និងខ្យល់កន្ត្រាក់ បានកើតនៅភូមិសាស្ត្រស្រុកចម្ការលើ នារសៀលថ្ងៃ ២២ មេសា ២០១៧។ គ្រោះធម្មជាតិនេះ បានបង្កឲ្យផ្ទះរបស់ប្រជាពលរដ្ឋ ចំនួន៧ខ្នង នៅក្នុងឃុំស្តី និង ២ខ្នងផ្សេងទៀត នៅក្នុងឃុំស្វាយទាប រងការខូចខាត៕