Arsenal ឡើងផ្ដាច់ព្រ័ត្រ FA Cup លើកទី២០ ក្រោយទម្លាក់ Man City
- 2017-04-24 01:29:34
- ចំនួនមតិ 0 | ចំនួនចែករំលែក 0
Arsenal ឡើងផ្ដាច់ព្រ័ត្រ FA Cup លើកទី២០ ក្រោយទម្លាក់ Man City
ចន្លោះមិនឃើញ
ក្រុមកាំភ្លើងធំ Arsenal បានឡើងទៅវគ្គផ្ដាច់ព្រ័ត្រ FA Cup លើកទី២០ ជាប់កំណត់ត្រាច្រើនជាងគេបំផុតក្នុងប្រវត្តិសាស្ត្រ បន្ទាប់ពីឈ្នះ Manchester City នៅវគ្គពាក់កណ្ដាលផ្ដាច់ព្រ័ត្រ ២-១ នៅកីឡដ្ឋាន Wembley កាលពីយប់មិញ។
Sergio Aguero បានស៊ុតឲ្យ Man City នាំមុខមុន នៅនាទី៦២ មុនពេលខ្សែការពារ Nacho Monreal ស៊ុតតាមស្មើ នាទី៧១។ លុះចូលម៉ោងបន្ថែម១៥នាទី២ដង តារាឆ្នើម Alexis Sanchez បានស៊ុតឲ្យកាំភ្លើងធំ Arsenal ឈ្នះ ២-១ វិញនៅនាទី១០១ ហើយលទ្ធផលនេះ បានបន្តរហូតចប់ការប្រកួត។
ដូច្នេះក្រុមរបស់លោក Arsene Wenger បានឡើងទៅវគ្គផ្តាច់ព្រ័ត្រ FA Cup ជាប់កំណត់ត្រាលើកទី២០។ Arsenal ក៏ជាក្រុមដែលឈ្នះពាន FA Cup នេះច្រើនជាងគេបំផុតក្នុងប្រវត្តិសាស្ត្រផងដែរ ពោលគឺពួកគេធ្លាប់លើកពាន១២ដង ស្មើគ្នានឹងក្រុមបិសាចក្រហម Manchester United។
កាំភ្លើងធំ Arsenal នឹងត្រូវប៉ះតោខៀវ Chelsea នៅវគ្គផ្ដាច់ព្រ័ត្រ នាថ្ងៃទី២៧ ខែឧសភាខាងមុខ នៅកីឡដ្ឋានជាតិអង់គ្លេស Wembley៕