បោះបង់ការងារចំណូលជាង៥ម៉ឺនដុល្លារ ដើរកម្សាន្ត១៤ប្រទេសក្នុងនោះក៏មកកម្ពុជាដែរ

2017-04-24 02:23:48
ចំនួនមតិ 0 | ចំនួនចែករំលែក 0

ចន្លោះមិនឃើញ

គូស្នេហ៍មួយគូបង្ហើបថា ពួកគេបានបោះបង់ការងារប្រាក់ខែខ្ពស់ចោល ដើម្បីធ្វើដំណើរតាមប្រទេសជាច្រើននៅជុំវិញពិភពលោក។

នាង Jennifer Raath អាយុ ២៥ឆ្នាំ និងស្វាមី Rudolph អាយុ ២៧ឆ្នាំ ដើរកម្សាន្តជាមួយគ្នាបាន ១៤ប្រទេសហើយ ចាប់តាំងពីរៀបការក្នុងខែធ្នូ ឆ្នាំ២០១៦ មក។ គូស្នេហ៍រស់នៅអាហ្វ្រិកខាងត្បូងស្បែកសទាំងពីរនេះ អាចរកចំណូលបូកចូលគ្នាបានប្រមាណជាង ៥១ ០០០ដុល្លារក្នុងមួយឆ្នាំ។

ពេលចេញដំណើរកម្សាន្ត ពួកគេបានយកផ្ទះដាក់ជាផ្ទះជួល លក់រថយន្ត និងលុបកិច្ចសន្យាសមាជិកភាពកន្លែងហាត់ប្រាណ ដើម្បីសន្សំប្រាក់ឲ្យបាន ១៤០០០ដុល្លារផ្សេងទៀតក្នុងរយៈពេល ៦ខែ។

លោក Rudolph ជាអតីតប្រធានគម្រោង (Project Manager) និងនាង Jennifer ជាប្រធានដៃគូផ្នែកទីផ្សារសម្រេចចិត្តថា ក្រុមហ៊ុនផ្ដល់ថ្ងៃឈប់សម្រាកចំនួន ២០ថ្ងៃក្នុងមួយឆ្នាំ គឺមិនគ្រប់គ្រាន់សម្រាប់ធ្វើដំណើរកម្សាន្តទេដូច្នេះហើយ ពួកគេសម្រេចបោះបង់ការងារ និងដើរកម្សាន្តវិញ។

នាង Jennifer និយាយថា "រឿងដ៏លំបាកបំផុត គឺការបោះបង់ការងារដែលយើងអាចរកចំណូលបានប្រមាណ ៤,៥ ទៅ ៥,១ម៉ឺនដុល្លារក្នុងមួយឆ្នាំៗ តែអ្វីពួកយើងចង់បាន គឺឃើញពិភពលោកឲ្យកាន់តែច្រើន។"

ប្រទេសទាំង ១៤ ដែលបានឆ្លងកាត់ពេលនេះមាន៖ អាហ្វ្រិកខាងត្បូង ម៉ូសំបិក ម៉ូរីសតាស (Mauritius ) អង់គ្លេស បារាំង អ៊ីតាលី ក្រូអាត ថៃ ឡាវ វៀតណាម កម្ពុជា ហ្វីលីពីន មីយ៉ាន់ម៉ា និងចិន។ នៅរយៈពេល ៤ខែខាងមុខ ពួកគេនឹងបន្តដំណើរទៅកាន់ប្រទេសជាច្រើនផ្សេងទៀត៕