បងប្រុសបង្កើត បុស្បា ប៉ាន់ មកផលិតភាពយន្ត "រសជាតិអាម៉ុក" នៅកម្ពុជា
- 2017-04-24 03:42:53
- ចំនួនមតិ 0 | ចំនួនចែករំលែក 0
បងប្រុសបង្កើត បុស្បា ប៉ាន់ មកផលិតភាពយន្ត "រសជាតិអាម៉ុក" នៅកម្ពុជា
ចន្លោះមិនឃើញ
បងប្រុសរបស់ បុស្បា ប៉ាន់ ឈ្មោះ ស៊ីបស៊ី ណាប៉ាន់ និស្សិតជនជាតិខ្មែរម្នាក់ដែលសិក្សាលើជំនាញផលិតភាពយន្តនៅប្រទេសចិន បានធ្វើដំណើរមកដល់កម្ពុជាថ្មីៗនេះ ដើម្បីធ្វើការផលិតភាពយន្តមួយស្តីពី ”រសជាតិអាម៉ុក”។
គម្រោងនេះ បានចាប់ផ្ដើមថ្មីៗ ក្រោយបញ្ចប់បុណ្យចូលឆ្នាំប្រពៃណីជាខ្មែរ ដោយមានការជួយជ្រោមជ្រែងពីក្រសួងវប្បធម៌ និងវិចិត្រសិល្បៈ និងក្រុមការងារបុប្ផាណាផងដែរ ផង។ ទីតាំងដែលបានកំណត់ គឺលើទឹកដីនៃខេត្តសៀមរាប ដែលគ្រោងចំណាយពេលថតប្រមាណ១០ ដោយប្រើទុនផលិតប្រមាណ ២ម៉ឺនដុល្លារអាមេរិក។
និស្សិតវ័យ២៥ឆ្នាំរូបនេះបញ្ជាក់ថា ការជ្រើសរើសប្រទេសកម្ពុជាដើម្បីធ្វើខ្សែភាពយន្តទៅប្រកួតប្រជែងព្រោះតែលោកចង់បង្ហាញភាពប្លែក និងទិដ្ឋភាពដ៏ទាក់ទាញរបស់ប្រទេសកម្ពុជា។ ដោយឡែកប្រធានបទ”រសជាតិអាម៉ុក” ក៏ព្រោះតែចង់បង្ហាញពីស្នាដៃ និងរសជាតិម្ហូបអាហាររបស់ខ្មែរពិសេសកេរ្តិ៍ដំណែលសិល្បៈវប្បធម៌ខ្មែរទៅដល់ប្រជាជននានានៅលើពិភពលោក។
រឿងនេះ ក្រោយផលិតរួចរាល់ ក្រុមរបស់លោកដែលមានគ្នា៦នាក់ មានខ្មែរ ជប៉ុន និងចិន នោះ នឹងយកស្នាដៃរបស់ពួកគេទៅ បញ្ចប់ការសិក្សាថ្នាក់បរិញ្ញាបត្រផ្នែកភាពយន្ត និងគ្រោងដាក់ចូលរួមប្រកួតប្រជែងជាមួយស្នាដៃនិស្សិតផ្សេងទៀតនៅរាជធានីប៉េកាំង។
ស៊ីបស៊ី ណាប៉ាន់ នឹងបញ្ចប់ការសិក្សាលើជំនាញផលិតខ្សែភាពយន្ត។ យុវជនរូបនេះ ធ្លាប់បានបង្ហាញសមត្ថភាពសិល្បៈរាំល្ខោនខោល រួមទាំងក្បាច់រាំបែបសហសម័យក្នុងកម្មវិធីប្រគំតន្ត្រីលើទឹកដីអង្គរកាលពីឆ្នាំ២០១១។ ការបាត់មុខជាច្រើនឆ្នាំកន្លងមក ព្រោះតែយុវជនរូបនេះបានបន្តការសិក្សាលើជំនាញផ្នែកផលិតខ្សែភាពយន្តនៅសាកលវិទ្យាល័យ National Academy of China Theatre Arts នារដ្ឋធានីប៉េកាំងប្រទេសចិន។
នេះមិនមែនជាបទពិសោធន៍លើកទី១ទេ ប៉ុន្តែតាមការបញ្ជាក់របស់ សិស្សក្បាច់គុនកុងហ្វូ ខ្សែក្រវាត់៤ជាន់សាលា Gongfu Martial Art in China រូបនេះ គឺលោកធ្លាប់បានដឹកនាំការផលិត និងសម្ដែងខ្សែភាពយន្តខ្នាតខ្លីប្រមាណជាង២០រឿងរួចមកហើយ៕