Prius Prime ២០១៧ បើកបរជាង ២០ គីឡូម៉ែត្រ ស៊ីសាំងតែ ១ លីត្រ
- 2017-04-24 04:17:17
- ចំនួនមតិ 0 | ចំនួនចែករំលែក 0
Prius Prime ២០១៧ បើកបរជាង ២០ គីឡូម៉ែត្រ ស៊ីសាំងតែ ១ លីត្រ
ចន្លោះមិនឃើញ
អាវុធសម្ងាត់ថ្មីរបស់ Toyota គឺរថយន្តពាក់កណ្ដាលអគ្គិសនី (Hybrid) ម៉ូដែល Prius Prime ឆ្នាំ ២០១៧ ដែលមានរូបរាងដ៏ទាក់ទាញ អមនឹងបច្ចេកវិទ្យាទំនើបៗ ជាពិសេសសមត្ថភាពសន្សំសំចៃ បើកបរបានជាង ២០ គីឡូម៉ែត្រស៊ីសាំងតែ ១ លីត្រ។
រថយន្តនេះ ដំណើរការដោយម៉ាស៊ីនស៊ីឡាំង ៤ ចំណុះ ១,៨ លីត្រ កម្លាំង ៩៥ សេះ ល្បឿនអតិបរមា ១៣៥ គីឡូម៉ែត្រក្នុងមួយម៉ោង, ទំនាយកង់មុខ, ប្រើប្រអប់លេខស្វ័យប្រវត្តិតតង់ (CVT), ប្រព័ន្ធហ្រ្វាំងចាប់មិនរេឡាន (ABS) ហើយអាចដឹងពីសម្ពាធខ្យល់ក្នុងកង់តាមរយៈតាប្លូយ៉ាងងាយស្រួល។
Prius Prime ឆ្នាំ ២០១៧ មានសុវត្ថិភាពខ្ពស់ ក៏ដូចជាបច្ចេកវិទ្យាសម្រួលការបើកបរជាច្រើនដូចជា ប្រព័ន្ធទប់លំនឹងរថយន្ត មុខងារទប់ចង្កូតមិនឲ្យក្រឡាច់ មុខងារឲ្យរថយន្តស្ថិតក្នុងគន្លងផ្លូវយ៉ាងត្រឹមត្រូវ មុខងារជំនួញហ្វ្រាំងស្វ័យប្រវត្តិ និងបំពាក់ពោងសុវត្ថិភាព ៧ កន្លែងពេញផ្ទៃក្នុងរថយន្ត។
Prius Prime ឆ្នាំ ២០១៧ ដាក់លក់ក្នុងតម្លៃ (បរទេស) ចាប់ពី ២៤ ៣៦០ ដុល្លារ ដល់ ៣១ ០០០ ដុល្លារ៕