គុណសម្បត្តិនិងគុណវិបត្តិ iCloud លើ iPhone អ្នកត្រូវដឹងឲ្យច្បាស់ មុនសម្រេចចិត្តប្រើ
- 2017-04-24 04:57:41
- ចំនួនមតិ 0 | ចំនួនចែករំលែក 0
គុណសម្បត្តិនិងគុណវិបត្តិ iCloud លើ iPhone អ្នកត្រូវដឹងឲ្យច្បាស់ មុនសម្រេចចិត្តប្រើ
ចន្លោះមិនឃើញ
បច្ចុប្បន្នបណ្ដាយុវវ័យជាច្រើន អាចកំពុងស្ទាក់ស្ទើរចិត្តថាគួរប្រើប្រាស់ប្រព័ន្ធ iCloud នៅលើទូរសព្ទរបស់ខ្លួនឫក៏អត់។ ថ្ងៃនេះ Sabay ក៏សូមលើកយកពីចំណុចនៃអត្ថប្រយោជន៍និងគុណវិបត្តិចំនួន ៥ ធំៗដែលអ្នកប្រើប្រាស់គួរស្វែងយល់ឱ្យបានច្បាស់ ជុំវិញការប្រើប្រាស់ iCloud។
គុណសម្បត្តិ៖
សាមញ្ញងាយស្រួលប្រើ៖ ដំណើរការនៃប្រព័ន្ធ iCloud គឺងាយបំផុត តួយ៉ាងដូចជាការរក្សាទុក (Back up) ឯកសារ ដោយអ្នកគ្រាន់តែចុចតាមវា ប៉ុន្មានជំហានគឺហើយជាការស្រេច។
មិនតម្រូវឲ្យមានកុំព្យូទ័រនិងខ្សែតភ្ជាប់៖ សម្រាប់ចំណុចនេះ ការប្រើប្រាស់ iCloud យើងក៏អាចបញ្ជាតាមរយៈ iPhone ផ្ទាល់ ដោយពុំបាច់មានឧបករណ៍ជំនួយដទៃឡើយ។
Free អង្គផ្ទុកទិន្នន័យ 5GB ឥតគិតថ្លៃ៖ បើអ្នកសម្រេចចិត្តធ្វើការ Back up ឯកសារទៅក្នុងប្រព័ន្ធ iCloud នោះអ្នកនឹងទទួលបានអង្គផ្ទុកទិន្នន័យ 5GB ដោយឥតគិតថ្លៃ។
ងាយស្រួលផ្ទេរទិន្នន័យត្រលប់មកវិញ៖ មិនខុសពីចំណុចទី ១ ដោយទោះបីជាអ្នកចង់ផ្ទុកឯកសារត្រលប់មកទូរស័ព្ទវិញ (Restore) អ្នកប្រើល្មមៗ អាចចុចបាន ព្រោះវាងាយបំផុត។
ប្រើ iCloud ដោយពុំបាច់ចំណាយលុយ៖ គ្រប់មុខងារទាំងអស់ គឺបើកឲ្យប្រើប្រាស់ដោយសេរី ពុំមានតម្រូវចំណាយលុយអ្វីបន្ថែមឡើយ ដែលកត្តានេះហើយ ធ្វើឱ្យមនុស្សជាច្រើនចូលចិត្តប្រើប្រាស់វា។
គុណវិបត្តិ៖
តម្រូវឱ្យប្រើប្រាស់ប្រព័ន្ធអ៊ីនធឺណិត៖ រាល់ពេលដែលអ្នកចង់ធ្វើការ Back Up រាល់ឯកសារពី iPhone ចូល iCloud គឺតម្រូវឱ្យអ្នកតភ្ជាប់ទៅប្រព័ន្ធ Wi-Fi ជាមុនសិន។
បញ្ហាសុវត្ថិភាព៖ នេះជាបញ្ហាធំបំផុត ករណីបើអ្នកចែករំលែកគណនីទៅកាន់អ្នកប្រើប្រាស់ដទៃ នោះពួកគេ នឹងអាចឆែកមើលរាល់ឯកសារសម្ងាត់ទាំងអស់បាន។
ល្បឿនផ្ទេរទិន្នន័យយឺត: អ្នកប្រើប្រាស់ជាច្រើន បានកត់សម្គាល់ឃើញថា ករណីបើយើងផ្ទេរឯកសារកាន់តែធំ នោះល្បឿនផ្ទេរទិន្នន័យទៅក្នុង iCloud ពិតជាយឺតមែនទែន។
អង្គផ្ទុកទិន្នន័យ 5GB: សម្រាប់អង្គផ្ទុកទិន្នន័យប៉ុននេះ អ្នកប្រើប្រាស់មួយចំនួនអាចសម្របបានតែដំបូងប៉ុណ្ណោះ ក្រោយៗមកទៀត បើអ្នកចង់បន្ថែមអង្គផ្ទុកទិន្នន័យក្នុងប្រព័ន្ធ iCloud ឲ្យបានច្រើន វាតម្រូវឱ្យអ្នក ធ្វើការចំណាយលុយ។
មិនគាំទ្រការ Back Up គ្រប់ឯកសារទាំងអស់៖ ទាក់ទងដូចជាឯកសារវីដេអូ ចម្រៀងជាដើម បើមិនបានទិញពី iTunes Store ទេ គឺវាមិនអនុញ្ញាតឱ្យ Back Up បាននោះឡើយ៕