ភាពយន្តខ្មែរជាច្រើនសម្ពោធ និងក្រុងពាលីបន្តបន្ទាប់នៅខែមេសានេះ

2017-04-24 07:20:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តភាគ និងខ្សែភាពយន្តខ្នាតធំជាច្រើនរឿង ត្រូវបានផលិតករសម្ពោធដាក់បញ្ចាំងនៅរោងកុននិងក្រុងពាលីចេញថតជាបន្តបន្ទាប់នៅខែចែត្រនេះ។

ថ្ងៃនេះ Sabay នឹងធ្វើការបង្ហាញជូនខ្សែភាពយន្តខ្មែរទាំង៤រឿងរួមមាន៖

១/ រឿង "ជីវិតនាងរចនា" ជាខ្សែភាពយន្តភាគបែបកាចកុងឌឺដងដាក់គ្នាមិនចេះចប់រវាងតួឯកប្រុស និងតួឯកស្រី រវាងលោក អ៊ុន សិទ្ធា និង កញ្ញា រីយ៉ា ត្រូវបានប៉ុស្តិ៍លេខ៥ ក្រុងពាលីចេញថតកាលពីថ្ងៃទី៣ ខែ មេសា ឆ្នាំ ២០១៧ ។

២/ ខ្សែភាពយន្តខ្នាតធំបែបកំប្លែងសើចតាំងពីដើមរហូតដល់ចប់កើតឡើងទៅលើអ្នកម្ដាយ២រូប តែងតែរករឿងឈ្លោះគ្នាឥតឈប់នោះគឺស្រីតុ និងនាងខ្ញុងក្នុងរឿង "ស៊ុបភើម៉ាំ" ផលិតកម្មមហាហង្សបានសម្ពោធ នឹងដាក់បញ្ចាំងកាលពីថ្ងៃទី៤ ខែ មេសា ឆ្នាំ ២០១៧។

៣/ រឿងថ្មីជាស្នាដៃនិពន្ធដំបូងរបស់នាយ គ្រឿន រឿង "ជួបស៊យ" ត្រូវបានផលិតកម្ម Ld សម្ពោធដាក់បញ្ចាំងនៅរោងភាពយន្តកាលពីថ្ងៃទី១០ ខែ មេសា ឆ្នាំ២០១៧។ រឿងនេះជាប្រភេទកំប្លែងបែបស្ងួត និងស៊យតាំងពីដើមរហូតដល់ចប់របស់នាយគ្រឿន។

៤/ "ចម្ការម្លប់ស្នេហ៍" ជាខ្សែភាពយន្តភាគទី៧ ដែលទូរទស្សន៍ប៉ុស្តិ៍លេខ៥ បានផលិតដោយខ្លួនឯងផ្ទាល់។ រឿងនេះត្រូវក្រុងពាលីដំណើរការចេញថតកាលពីថ្ងៃទី២០ ខែមេសា ឆ្នាំ២០១៧ ដោយមានកញ្ញា យ៉ែម ស្រីពេជ្រ និង លោក ជា លាងឈែង ជាតួឯក៕