Na-Eun សមាជិកក្រុម Apink នឹងលេចមុខជាតួស្រីក្នុងបទថ្មីរបស់ PSY

2017-04-24 07:43:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាព័ត៌មានមួយដែលគួរឲ្យអបអរសាទរ ចំពោះតារាចម្រៀងក្រុម Apink និងជាតារាសម្ដែងស្រីវ័យក្មេង Na Eun ក្នុងការ ដែលត្រូវបានជ្រើសរើសជាតួស្រី ក្នុងបទថ្មីរបស់លោក PSY។

ថ្មីៗនេះ តារាចម្រៀងដែលអង្រួនចិត្តអ្នកគាំទ្រគ្រប់វ័យលោក PSY ទើបតែបានថតវីដេអូចម្រៀងថ្មីរបស់ខ្លួនចប់ នៅក្នុងទីក្រុងម៉ាកាវ ប្រទេសចិន។ តាមព័ត៌មានតួស្រីដែលនឹងសម្ដែងជាមួយ PSY ក្នុងបទថ្មីនេះគឺ Na Eun តារាចម្រៀងដែលមកពីក្រុមចម្រៀង Apink។

គួររំលឹកផងដែរថា បទចម្រៀងដែលទទួលបានការគាំទ្រខ្លាំងទូទាំងពិភពលោក របស់តារាប្រុសវ័យ ៣៩ឆ្នាំរូបនេះតែងតែត្រូវបាន ចូលរួមសម្ដែងពីតារាស្រីល្បីៗជាច្រើន ដូចជាបទ “Gangnam Style” សម្ដែងជាមួយដោយ HyunA បទ "Gentleman” សម្ដែងជាមួយដោយ Ga In និងបទ “Daddy” សម្ដែងជាមួយ CL។

បទចម្រៀងថ្មីរបស់ PSY នេះសម្រាប់ឆ្នាំ ២០១៧ នេះនឹងចេញនៅថ្ងៃទី០៨ ខែឧសភា ដូច្នេះសូមរង់ចាំតាមដានទាំងអស់គ្នា៕

ប្រភព៖ Allkpop ប្រែសម្រួល៖ យី សុធារី