៦ យ៉ាង ធានាកាត់បន្ថយការចំណាយខ្ជះខ្ជាយលើម៉ាស៊ីនត្រជាក់ នៅខែក្ដៅ
- 2017-04-24 08:41:56
- ចំនួនមតិ 0 | ចំនួនចែករំលែក 0
៦ យ៉ាង ធានាកាត់បន្ថយការចំណាយខ្ជះខ្ជាយលើម៉ាស៊ីនត្រជាក់ នៅខែក្ដៅ
ចន្លោះមិនឃើញ
ប៉ុន្មានថ្ងៃនេះ អាកាសធាតុឡើងកម្ដៅខ្លាំង សូម្បីតែថ្ងៃឈប់សម្រាកប្រិយមិត្តមួយចំនួនមិនហ៊ានចេញក្រៅឡើយ ។ សម្ងំនៅតែក្នុងផ្ទះចឹង សម្រាប់អ្នកដែលមានម៉ាស៊ីនត្រជាក់ប្រាកដជាមានភាពងាយស្រួលជាជាងអ្នកប្រើប្រាស់កង្ហារ តែការចំណាយក៏ច្រើនដែរទៅលើវា ដោយសារអ្នកប្រើវាច្រើនជាងមុន។ ចឹងថ្ងៃនេះ Sabay នឹងប្រាប់វិធីខ្លះៗ ដែលអាចកាត់បន្ថយការចំណាយបានមួយចំនួនដែរ៖
កុំឲ្យពន្លឺព្រះអាទិត្យចាំងចូលបន្ទប់ដោយផ្ទាល់៖ បើមានពន្លឺចូលបន្ទប់កាន់តែច្រើន ម៉ាស៊ីនត្រជាក់នឹងធ្វើការកាន់តែយូរ និងខ្លាំងជាងមុនដើម្បីឲ្យបន្ទប់ត្រជាក់ ដែលធ្វើឲ្យអ្នកចំណាយលុយកាន់តែច្រើនលើថ្លៃភ្លើង។ គួរតែបិទបង្អួច រួចប្រើវាំងននមួយជាន់ទៀតដើម្បីការពារកុំឲ្យកម្ដៅចូលមកដោយផ្ទាល់ពេលប្រើម៉ាស៊ីនត្រជាក់។
បិទអ្វីដែលមិនចាំបាច់៖ ដូចជាអំពូលភ្លើង ទូរទស្សន៍ជាដើម បើអ្នកបើកចោល វាមិនត្រឹមតែស៊ីភ្លើងច្រើននោះទេ វាថែមទាំងបញ្ចេញកម្ដៅដែលធ្វើឲ្យម៉ាស៊ីនត្រជាក់ធ្វើការកាន់តែខ្លាំងជាងមុន ដើម្បីឲ្យសីតុណ្ហភាពក្នុងបន្ទប់ត្រជាក់។
សម្អាត និងប្ដូរតម្រងជាប្រចាំ៖ មើលទៅវាដូចជាចំណាយលុយច្រើនបើឧស្សាហ៍ធ្វើបែបនេះ តែបើតម្រងម៉ាស៊ីនត្រជាក់កខ្វក់ វាធ្វើឲ្យបញ្ចេញខ្យល់យឺត ដែលធ្វើឲ្យស៊ីភ្លើងជាងមុនពី ១០-៣០% ហើយម៉ាស៊ីនត្រជាក់នឹងឆាប់ខូច។
រកម៉ាស៊ីនត្រជាក់ណាចំណាយតិច ហើយឆាប់ត្រជាក់៖ បើមានម៉ាស៊ីនត្រជាក់មួយដែលឆាប់ត្រជាក់ ហើយស៊ីភ្លើងតិចជារឿងមួយល្អណាស់។ សម្រាប់ម៉ាស៊ីនត្រជាក់របស់ Samsung ដែលប្រើបច្ចេកវិទ្យា 8 pole Digital inverter 2017 វិញមិនត្រឹមតែជួយសន្សំសំចៃខ្លាំងទេ វាថែមទាំងឆាប់ត្រជាក់ដោយចំណាយពេលតែ ១៨នាទី ប៉ុណ្ណោះ។
កុំបើកម៉ាស៊ីនត្រជាក់ចោល៖ ខែក្ដៅចឹង អ្នកខ្លះគិតថាបើកម៉ាស៊ីនត្រជាក់ចោលក្នុងបន្ទប់ល្អ ព្រោះ ពេលមកពីក្រៅអាចត្រជាក់បានភ្លាមហ្មង តែបើធ្វើចឹង ចំណាយភ្លើងច្រើន ហើយបើមនុស្សភាគច្រើនធ្វើបែបនេះ វានឹងធ្វើឲ្យបរិយាកាសកាន់តែក្ដៅជាងមុន។
បិទម៉ាស៊ីនត្រជាក់ពេលយប់ជ្រៅ និងពេលព្រលឹម៖ ពេលទាំង ២ នេះ ជាពេលដែលអាកាសធាតុមិនក្ដៅទេ ហើយពេលខ្លះអាចនឹងត្រជាក់តិចៗផង ចឹងបើយើងបិទវានៅពេលនេះ វានឹងកាត់បន្ថយថ្លៃភ្លើងបានមួយចំនួន ហើយមិនរំខានដល់ដំណេកអ្នកឡើយ៕