Fabregas៖ "នៅលើលោកនេះ កីឡាករដែលល្អជាង Hazard មានតែម្នាក់ប៉ុណ្ណោះ”

2017-04-24 11:23:51
ចំនួនមតិ 0 | ចំនួនចែករំលែក 0

ចន្លោះមិនឃើញ

Cesc Fabregas ខ្សែបម្រើក្រុម Chelsea បានលើកឡើងថា នៅលើពិភពលោកនេះកីឡាករដែលល្អជាងមិត្តរួមក្រុមរបស់ខ្លួន Eden Hazard មានតែម្នាក់ប៉ុណ្ណោះគឺ Lionel Messi របស់ក្រុម FC Barcelona។

Eden Hazard អបអរ ពេលស៊ុតចូលក្រុម Spurs

កីឡាករជម្រើសជាតិបែលហ្សិក Hazard បានបង្ហាញទម្រង់លេងយ៉ាងល្អរដូវកាលនេះ ដោយរូបគេស៊ុតឲ្យ Chelsea សរុបបាន១៥គ្រាប់ ជួយឲ្យក្រុមតោខៀវឈរកំពូលតារាង Premier League និងទើបស៊ុតចូលក្រុម Tottenham Hotspur ឡើងទៅវគ្គផ្តាច់ព្រ័ត្រ FA Cup កាលយប់ថ្ងៃសៅរ៍កន្លងទៅផងដែរ។

“សមត្ថភាពរបស់ Hazard មានតែកីឡាករម្នាក់ប៉ុណ្ណោះដែលនៅលើគាត់ ហើយយើងទាំងអស់គ្នាប្រាកដជាស្គាល់ច្បាស់ហើយ ម្នាក់នោះគឺ Messi។ ដើម្បីក្លាយជាកីឡាករកំពូលម្នាក់ ពេលខ្លះអ្នកត្រូវតែអាត្មានិយម (ស៊ុតឲ្យបានច្រើន)។ ខ្ញុំធ្លាប់ប្រាប់ Hazard ច្រើនដងមកហើយថា គាត់ត្រូវតែរៀនធ្វើអាត្មានិយមខ្លះ ហើយព្យាយាមស៊ុតឲ្យបានច្រើន នោះគាត់នឹងអាចទទួលបានកម្រិតមួយខ្ពស់បំផុត ហើយនឹងគ្មាននរណាអាចបញ្ឈប់បាន”។ Fabregas បានបញ្ជាក់៕

ប្រភព៖ Mirror ប្រែសម្រួល៖ វិន ជីវ័ន្ត