មិនធម្មតា! នៅវៀតណាមមានសេវាអ៊ីនធឺណិតល្បឿន ១ Gbps
- 2017-04-24 12:15:47
- ចំនួនមតិ 0 | ចំនួនចែករំលែក 0
មិនធម្មតា! នៅវៀតណាមមានសេវាអ៊ីនធឺណិតល្បឿន ១ Gbps
ចន្លោះមិនឃើញ
ក្រុមហ៊ុនទូរគមនាគមន៍របស់វៀតណាមឈ្មោះ FPT Telecom បានប្រកាសពីកញ្ចប់សេវាកម្មអ៊ីនធឺណិតមានឈ្មោះថា SOC ដែលមានផ្ដល់អ៊ីនធឺណិតល្បឿនលឿនដល់ ១ Gbps ឯណោះ។
ល្បឿនប៉ុណ្ណេះគឺជាល្បឿនដ៏លឿនជាងគេមួយក្នុងប្រទេសវៀតណាម ហើយល្បឿន ១ Gbps នេះអាចឲ្យអ្នកប្រើប្រាស់ទាញយកបទចម្រៀងមិនដល់មួយវិនាទី, ប្រើពេលត្រឹម ៣ វិនាទីដើម្បីទាញយកកម្មវិធីទូរទស្សន៍មួយភាគ, និង ប្រើពេលត្រឹម ៨ វិនាទីដើម្បីទាញយកវីដេអូកម្រិត HD 720p មួយ។ សេវាកម្មដ៏ពិសេសនេះនឹងមានបើកដំណើរការជាផ្លូវការនៅទីក្រុងហូជីមិញ និង ទីក្រុងហាណូយ ចាប់ពីថ្ងៃទី ១ ខែឧសភា ឆ្នាំ ២០១៧ នេះ។
ផ្អែកតាមតួលេខចុងក្រោយរបស់ Akamai បានបង្ហាញថាគិតត្រឹមចុងឆ្នាំ ២០១៦ ល្បឿនអ៊ីនធឺណិតជាមធ្យមនៅប្រទេសវៀតណាមមាន ៨,៣ Mbps។ ដូចនេះកញ្ចប់សេវាកម្ម SOC នឹងមានល្បឿនលឿនជាងនេះ ១០០ ដង៕