មិត្តស្រី Ronaldo ត្រូវហាមមិនឲ្យជប់លៀងរហូត បន្ទាប់ពី Real ចាញ់ Barca
- 2017-04-24 12:26:08
- ចំនួនមតិ 0 | ចំនួនចែករំលែក 0
មិត្តស្រី Ronaldo ត្រូវហាមមិនឲ្យជប់លៀងរហូត បន្ទាប់ពី Real ចាញ់ Barca
ចន្លោះមិនឃើញ
Georgina Rodriguez មិត្តស្រីរបស់ Cristiano Ronaldo ត្រូវបានគេហាមមិនឲ្យធ្វើពិធីជប់លៀងនៅផ្ទះ CR7 ជារៀងរហូត ព្រោះយល់ថា នាំឲ្យមានសំណាងអាក្រក់ បន្ទាប់ពីក្រុម Real Madrid បានចាញ់ក្រុម FC Barcelona ៣-២ យប់មិញ។
ការប្រកួតដ៏ធំ El Clasico ក្រុម Real Madrid បានចាញ់ក្រុមគូប្រជែងធំ Barcelona នៅកីឡដ្ឋាន Santiago Bernabeu ៣-២ ធ្វើឲ្យការចង់ឈ្នះពាន La Liga ជាលើកដំបូងរបស់ពួកគេតាំងពីឆ្នាំ២០១២មក កាន់តែព្រួយបារម្ភខ្លាំងឡើងវិញ។
កាសែតព័រទុយហ្គាល់ Correio da Manha បានឲ្យដឹងថា មុនប្រកួតធំនេះ មិត្តស្រី Ronaldo នាង Rodriguez បានរៀបចំត្រៀមពិធីជប់លៀងជាមុន ដោយរំពឹងថា Real នឹងឈ្នះ Barca។ ប៉ុន្តែនៅពេលលទ្ធផលក្រុមស្តេចសចាញ់ ហើយមិត្តប្រុសរបស់នាងខកចិត្តខ្លាំង ដោយមិនបានស៊ុតចូលទីផងនោះ ពិធីជប់លៀងនោះក៏ត្រូវរំសាយចោលវិញ។ មិនត្រឹមតែប៉ុណ្ណោះ ស្រីស្អាតសញ្ជាតិអេស្ប៉ាញវ័យ២២ឆ្នាំរូបនេះ ក៏ត្រូវគេហាមមិនឲ្យរៀបចំពិធីជប់លៀងនៅផ្ទះ Ronaldo ជារៀងរហូតផងដែរ ព្រោះយល់ថានាំឲ្យមានសំណាងមិនល្អ៕