ដឹងថា Ronaldo ខឹងបន្ទោសនរណាគេ ហើយនិយាយអ្វីខ្លះអត់?
- 2017-04-25 02:39:25
- ចំនួនមតិ 0 | ចំនួនចែករំលែក 0
ដឹងថា Ronaldo ខឹងបន្ទោសនរណាគេ ហើយនិយាយអ្វីខ្លះអត់?
ចន្លោះមិនឃើញ
Cristiano Ronaldo របស់ក្រុម Real Madrid បានច្រឡោតខឹងនឹងមិត្តរួមក្រុមយ៉ាងខ្លាំង ដោយទាត់ស្មៅ និងស្រែកគំហកទៀតផង ពេល Lionel Messi ស៊ុតគ្រាប់ជ័យជម្នះឲ្យក្រុម FC Barcelona ក្នុងប្រកួត El Clasico កាលពីយប់ថ្ងៃអាទិត្យ។
Messi បានបង្ហាញទម្រង់លេងយ៉ាងល្អបំផុត ដោយស៊ុតបាន២គ្រាប់ ជាពិសេសស៊ុតគ្រាប់ចុងម៉ោងនាទី៩០+២ ជួយឲ្យ Barca ឈ្នះ។ ១គ្រាប់ចុងម៉ោងនោះ ក៏ជាគ្រាប់បាល់ទី៥០០ របស់គេនៅក្រុម Barcelona ផងដែរ ខណៈដែលប្រធានក្រុមជម្រើសជាតិអាហ្សង់ទីនរូបនេះ បានដោះអាវបង្ហាញឈ្មោះដល់អ្នកគាំទ្រក្រុម Real Madrid ចំណែកឯ CR7 បានបញ្ចេញកាយវិការខឹងសម្បារយ៉ាងខ្លាំង។
សេចក្ដីរាយការណ៍មួយបានឲ្យដឹងថា Ronaldo បានស្រែកថា "អ្នកគួរតែបិទឲ្យជាប់!” ដែលការស្រែកនេះគឺបន្ទោសដល់ខ្សែការពារ Marcelo។
យ៉ាងណាក្ដី ក្រោយចប់ការប្រកួត កីឡាករជម្រើសជាតិប្រេស៊ីល ក៏បានទទួលស្គាល់កំហុសរបស់ខ្លួនផងដែរ។ Marcelo បានប្រាប់ដល់ Marca ថា៖ "វាជាកំហុសរបស់ខ្ញុំ...ខ្ញុំព្រមទទួលកំហុសសម្រាប់គ្រាប់បាល់១គ្រាប់នេះ (គ្រាប់ចុងម៉ោងរបស់ Messi)”៕