Sony ចេញទូរសព្ទធូរថ្លៃពីរម៉ូដែលទៀត អាចកុម្ម៉ង់បានពីឥឡូវនេះ
- 2017-04-25 07:33:45
- ចំនួនមតិ 0 | ចំនួនចែករំលែក 0
Sony ចេញទូរសព្ទធូរថ្លៃពីរម៉ូដែលទៀត អាចកុម្ម៉ង់បានពីឥឡូវនេះ
ចន្លោះមិនឃើញ
មិនយូរប៉ុន្មានបន្ទាប់ពីក្រុមហ៊ុន Sony បានចេញទូរសព្ទ Xperia XZs ឥឡូវនេះក្រុមហ៊ុនបានត្រៀមខ្លួនរួចជាស្រេច ដើម្បីចាប់ផ្ដើមលក់ស្មាតហ្វូនថ្មីធូរថ្លៃចំនួនពីរម៉ូដែលផ្សេងទៀតគឺ Xperia XA1 និង Xperia L1 នៅទីផ្សារអាមេរិក ។
Xperia L1 អតិថិជនអាចបញ្ជាទិញមុនបានពី Amazon ក្នុងតម្លៃ 199.99 ដុល្លារ និងចាប់ផ្តើមចែកចាយលក់នៅដើមខែឧសភា។ សម្រាប់ Xperia XA1 អាចបញ្ជាទិញតាមរយៈក្រុមហ៊ុន Amazon, B&H, Best Buy, Fry និងអ្នកលក់រាយផ្សេងទៀតក្នុងតម្លៃ 299.99 ដុល្លារ។
ទូរសព្ទទាំងពីរនេះដំណើរការដោយប្រព័ន្ធប្រតិបត្តិការ Android 7 Nougat ចេញពីប្រអប់។ វាអាចប្រើបានជាមួយសេវាក្រុមហ៊ុន AT & T និង T-Mobile ប៉ុន្តែមិនបានជាមួយនឹងក្រុមហ៊ុន Verizon និង Sprint នោះទេ។
Xperia L1 មានទំហំអេក្រង់ 5.5 អ៊ីញ អាចបង្ហាញរូបភាពក្នុងកម្រិត 720p ធំជាងXperia XA1 មានទំហំអេក្រង់ត្រឹមតែ 5 អ៊ីញ អាចបង្ហាញរូបភាពបានក្នុងកម្រិត 720p។
ទោះជាយ៉ាងណា Xperia XA1 បានបំពាក់នៅ CPU ប្រសើរជាងមុនប្រភេទ octa-core MediaTek Helio P20 អង្គចងចាំ 3GB និង អង្គផ្ទុកទិន្នន័យ 32 GB។ Xperia L1 មាន CPU ត្រឹមតែ quad-core MediaTek MT6737T អង្គចងចាំ 2GB និង អង្គផ្ទុកទិន្នន័យ 16 GB។