កូរ៉េខាងជើងធ្វើសមយុទ្ធយោធាបាញ់កាំភ្លើងទ្រង់ទ្រាយធំ ខណៈនាវាមុជទឹកអាមេរិកទៅក្បែរ

2017-04-25 08:30:09
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅថ្ងៃអង្គារនេះប្រទេសកូរ៉េខាងជើងបានប្រារព្ធខួបកងទ័ពលើកទី ៨៥ឆ្នាំ ដោយមានបាញ់សាកល្បងកាំភ្លើងធំទ្រង់ទ្រាយធំមិនធ្លាប់មាន ស្របពេលនាវាមុជទឹកអាមេរិកទៅដល់កំពង់ផែកូរ៉េខាងត្បូងព្រឹកនេះ។

រូបភាពផ្តល់សិទ្ធិដោយ Reuters

ការមកដល់នាវាមុជទឹកអាមេរិកនេះ គឺសម្រាប់ត្រៀមធ្វើសមយុទ្ធជើងទឹកជាមួយកូរ៉េខាងត្បូងឆាប់ៗ។ ការប្រារព្ធខួបនៃការបង្កើតកងទ័ពលើកទី ៨៥ ឆ្នាំខាងលើ គេរំពឹងថា ក្រុងព្យុងយ៉ាងក៏នឹងបាញ់សាកល្បងគ្រាប់នុយក្លេអ៊ែរលើកទី ៦ ឬមីស៊ីលណាមួយផ្សេងទៀតដែរ។ ប៉ុន្តែក្រសួងការពារជាតិកូរ៉េខាងត្បូងអះអាងថា មិនទាន់មានឃើញការវិវឌ្ឍន៍ណាមួយខុសប្រក្រតីនៅឡើយទេ។

ទោះជាយ៉ាងណា សារព័ត៌មានកូរ៉េខាងត្បូង Yonhap ផ្សាយថា ក្រុងព្យុងយ៉ាងបានប្រារព្ធខួបបាញ់កាំភ្លើងទ្រង់ទ្រាយធំមិនធ្លាប់មាននៅទីក្រុងកំពុងផែ Wonsan ភាគខាងកើត។ គួរបញ្ជាក់ថា កូរ៉េខាងជើងមានមហិច្ឆតាបង្កើនសមត្ថភាពមីស៊ីលបាញ់ឲ្យដល់ទឹកដីអាមេរិក ដោយបង្កឲ្យមានភាពតានតឹងខ្លាំងនាប៉ុន្មានខែចុងក្រោយនេះនៅឧបទ្វីបកូរ៉េតាមរយៈការសាកល្បងមីស៊ីលជាបន្តបន្ទាប់៕