Messi នាំមុខគេសម្រាប់បេក្ខភាពស្បែកជើងមាសរបស់ទ្វីបអឺរ៉ុប
- 2017-04-26 00:55:36
- ចំនួនមតិ 0 | ចំនួនចែករំលែក 0
Messi នាំមុខគេសម្រាប់បេក្ខភាពស្បែកជើងមាសរបស់ទ្វីបអឺរ៉ុប
ចន្លោះមិនឃើញ
២គ្រាប់របស់ Lionel Messi ទល់នឹង Real Madrid មិនត្រឹមតែជួយឲ្យ Barcelona ឈ្នះការប្រកួតប៉ុណ្ណោះទេ តែក៏បានធ្វើឲ្យរូបគេឈរកំពូលតារាងជាអ្នកស៊ុតបញ្ចូលទីច្រើនជាងគេនៅទ្វីបអឺរ៉ុបរដូវកាលនេះ។
រាប់ទាំង២គ្រាប់នោះ ខ្សែប្រយុទ្ធឆ្នើម Barcelona មាន៣១គ្រាប់ លើ Bas Dost លេងឲ្យ Sporting CP នៃលីគកំពូលព័រទុយហ្គាល់ដែលឈរលេខពីរមាន២៨គ្រាប់ ខណៈលេខបីគឺ Aubameyang របស់ Borussia Dortmund នៃលីគកំពូលអាល្លឺម៉ង់មាន២៧គ្រាប់។
គួររម្លឹកថា ១គ្រាប់នៅលីគ La Liga ត្រូវផ្ដល់ឲ្យ ២,០ពិន្ទុ ដូច្នេះ Messi ពេលនេះមាន ៦២ពិន្ទុ ដោយឡែក Edinson Cavani ក៏រកបាន៣១គ្រាប់ដូចគ្នាប៉ុន្តែដោយសារលីគកំពូលបារាំងទទួលបានត្រឹម១,៥ពិន្ទុប៉ុណ្ណោះ សម្រាប់ការស៊ុតចូលមួយគ្រាប់ដូច្នេះខ្សែប្រយុទ្ធ PSG រូបនេះទើបតែបាន ៤៦,៥ពិន្ទុ ឈរលេខ១០ក្នុងតារាង Top Scorer នៅទ្វីបអឺរ៉ុប។
ក្រៅពីជា Top Scorer នៅទ្វីបអឺរ៉ុប Messi ក៏ជា Top Scorer នៅ La Liga ជាមួយនឹងគ្រាប់បាល់បញ្ចូលទី ៣១គ្រាប់ និងជា Top Scorer នៅ UEFA Champions League ក្រោយស៊ុតបាន១១គ្រាប់៕