ដឹងច្បាស់ចំនួនការពិន័យលើ Ramos ដែលឈូស Messi ហើយ

2017-04-26 01:50:53
ចំនួនមតិ 0 | ចំនួនចែករំលែក 0

ចន្លោះមិនឃើញ

Sergio Ramos ប្រធានក្រុម Real Madrid ត្រូវបានសហព័ន្ធបាល់ទាត់អេស្ប៉ាញពិន័យតែ១ប្រកួតទេ បន្ទាប់ពីទទួលបានកាតក្រហម កាលឈូសជើង Lionel Messi ក្នុងជំនួប El Clasico ដែលក្រុមស្តេចស ចាញ់ក្រុម FC Barcelona ៣-២ កាលពីយប់ថ្ងៃអាទិត្យ។

Sergio Ramos ប្រធានក្រុម Real Madrid (ឆ្វេង)

គណៈកម្មការអាជ្ញាកណ្ដាល បានបញ្ជាក់ថា ករណីរបស់ Ramos គឺបង្កកំហុសលើ Messi ក្នុងសកម្មភាពហិង្សា ដូច្នេះហើយទើបត្រូវពិន័យកាតក្រហម។

ដោយឡែក Neymar ត្រូវពិន័យខកខានប្រកួត El Clasico បន្ទាប់ពីទះដៃដាក់អាជ្ញាកណ្ដាល ពេលទទួលបានកាតក្រហម កាលចាញ់ Malaga ដែលធ្វើឲ្យកីឡាករជម្រើសជាតិប្រេស៊ីលរូបនេះ ត្រូវពិន័យពីលើ២ប្រកួតទៀត សរុបចំនួន៣ប្រកួត។

យ៉ាងណាក្ដី Ramos ពុំបានទទួលការពិន័យពីលើទៀតនោះទេ ទោះបីរូបគេដើរចេញពីទីលាន បញ្ចេញកាយវិការឌឺដងដាក់ Gerard Pique ក៏ដោយ ខណៈដែលអាជ្ញាកណ្ដាល Alejandro Hernandez ពុំបានចាប់អារម្មណ៍ ឬនិយាយពីករណីនេះឡើយ។ ដូច្នេះសរុបមក កីឡាករវ័យ៣១ឆ្នាំ នឹងអវត្តមានតែ១ប្រកួតគត់ គឺត្រូវខកខានប៉ះ Deportivo យប់នេះ ប៉ុន្តែនឹងអាចលេងបានវិញ ពេលប៉ះ Valencia នៅថ្ងៃសៅរ៍៕

ប្រភព៖ Goal ប្រែសម្រួល៖ វិន ជីវ័ន្ត