គួរឲ្យភ្ញាក់ផ្អើល! រកឃើញស៊ុតដាយណូស័រ ចំនួន៥ មានអាយុកាល៧០លានឆ្នាំ
- 2017-04-26 03:50:24
- ចំនួនមតិ 0 | ចំនួនចែករំលែក 0
គួរឲ្យភ្ញាក់ផ្អើល! រកឃើញស៊ុតដាយណូស័រ ចំនួន៥ មានអាយុកាល៧០លានឆ្នាំ
ចន្លោះមិនឃើញ
កាលពីពេលថ្មីៗនេះ ក្រុមអ្នកវិទ្យាសាស្ត្រនៅក្នុងប្រទេសចិន បានរកឃើញស៊ុតដាយណូស័រយក្ស ចំនួន៥ មានអាយុកាលប្រមាណជា ៧០លានឆ្នាំ តែមានស្ថានភាពដដែល គួរឲ្យភ្ញាក់ផ្អើល។
ស៊ុតដែលមានរាងមូលទាំងនោះ ត្រូវក្រុមអ្នកវិទ្យាសាស្ត្រប្រាប់ឲ្យដឹងថា ជាស៊ុតរបស់ដាយណូស័រស៊ីរុក្ខជាតិជាអាហារ «Phytophagous Dinosaurs» នៅក្នុងសម័យកាល «Cretaceous»។
លោក Qiu Licheng មកពីវិទ្យាសាស្ត្របុរាណវិទ្យា Guangdong's Archaeological Institute បានប្រាប់ឲ្យដឹងថា «យើងបានរកឃើញស៊ុតចំនួន៥គ្រាប់ ក្នុងនោះមាន៣គ្រាប់បានរងការខូចខាត តែពួកវានៅតែអាចមើលឃើញដដែល»។
គួរបញ្ជាក់ថា ស៊ុតទាំងនោះត្រូវបានរកឃើញ នៅភាគអាគ្នេយ៍នៃប្រទេសចិន នៅជម្រៅ ៨ម៉ែត្រ និងកប់ក្នុងថ្មភក់ពណ៌ក្រហម។
បើយោងតាមក្រុមអ្នកបុរាណវិទូ បានឲ្យដឹងថា សំបកស៊ុតទាំងនោះបានរងការខូចខាត ក្នុងកម្រិតខុសប្លែកពីគ្នា ប៉ុន្តែនៅតែអាចមើលឃើញ ហើយផ្នែកខាងក្នុងនៃស៊ុត ពោរពេញទៅដោយថ្មភក់។ បច្ចុប្បន្ននេះ ហ្វូស៊ីលដាយណូស័រទាំងនោះ កំពុងត្រូវបានសិក្សា នៅឯសារមន្ទីរក្នុងស្រុកមួយ៕