កូរ៉េខាងជើង ប្ដេជ្ញាប្រើកុមារ ទម្លាក់គ្រាប់បែក៥លានគ្រាប់ កម្ទេច អាមេរិក និង កូរ៉េខាងត្បូង

2017-04-27 00:48:21
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកគាំទ្រវ័យក្មេង របស់អតីតមេដឹកនាំកូរ៉េខាងជើង គីម ជុងអ៊ីល កំពុងតែត្រៀមខ្លួន ដើម្បីកម្ទេចសហរដ្ឋអាមេរិក និងកូរ៉េខាងត្បូង ដោយប្រើគ្រាប់បែកនុយក្លេអ៊ែរ រហូតដល់ទៅ ៥លានគ្រាប់។ នេះបើយោងតាមការឲ្យដឹង ពីប្រធានសម្ព័ន្ធយុវជនសាធារណរដ្ឋកូរ៉េខាងជើង។

សារគំរាមពីគណៈកម្មាធិការកណ្ដាល នៃសម្ព័ន្ធយុវជន Kimilsungist-Kimjongilist Youth League បានព្រមានថា «ផែនដីនឹងត្រូវខ្ទេច» ប្រសិនបើពួកគេបើកការវាយប្រហារ។

ជាមួយគ្នានេះដែរ ពួកគេបានសន្យាថា នឹងកម្ទេចសហរដ្ឋអាមេរិក និងប្រទេសជិតខាងរបស់ខ្លួន គឺ កូរ៉េខាងត្បូង ប្រសិនបើប្រទេសណាមួយហ៊ានបង្ករឿងមុន ស្របពេលដែលភាពតានតឹងអន្តរជាតិ កំពុងឈានដល់ចំណុចកំពូល។

គួរបញ្ជាក់ថា ការព្រមាននេះបានធ្វើឡើង ខណៈប្រទេសកូរ៉េខាងត្បូង បានប្រកាសថា ប្រព័ន្ធរ៉ុកកែតរយៈកម្ពស់ខ្ពស់ ត្រូវបានសាងសង់នៅលើទឹកដីរបស់ខ្លួន និងផ្ដល់ឲ្យប្រទេសជាសម្ព័ន្ធមិត្ត គឺ សហរដ្ឋអាមេរិក នូវអាវុធដ៏មានអនុភាពនៅលើឧបទ្វីប។

ទីភ្នាក់ងារ Korean Central News Agency របស់កូរ៉េខាងជើង បានឲ្យដឹងថា ក្រុមយុវជនទាំងនោះ បានត្រៀមខ្លួនប្រយុទ្ធយ៉ាងពេញលេញ ជាមួយគ្រាប់បែកនុយក្លេអ៊ែរ ចំនួន៥លានគ្រាប់ ដើម្បីកម្ទេចក្រុមណាដែលកំពុងព្យាយាមនាំយកមកនូវគ្រោះមហន្តរាយនុយក្លេអ៊ែរ មកកាន់ប្រទេសមិនអាចរំលោភបំពានបាន (កូរ៉េខាងជើង) មួយនេះ៕

ប្រភព៖ Dailymail ប្រែសម្រួល៖ សេង ឡុង