រោងចក្រសំលៀកបំពាក់ របស់កូនស្រី ដូណាល់ ត្រាំ ឲ្យប្រាក់ឈ្នួលកម្មករថោកបំផុត ស្ទើរមិនជឿ

2017-04-27 04:20:10
ចំនួនមតិ 0 | ចំនួនចែករំលែក 0

ចន្លោះមិនឃើញ

របាយការណ៍ដ៏គួរឲ្យរន្ធត់ និងភ្ញាក់ផ្អើលមួយ បានអះអាងថា រោងចក្រផលិតសំលៀកបំពាក់នៅក្នុងប្រទេសចិន ដែលជាកម្មសិទ្ធិរបស់កូនស្រី ដូណាល់ ត្រាំ គឺអ្នកស្រី Ivanka Trump បានឲ្យប្រាក់ឈ្នួលកម្មករត្រឹមតែ ១ដុល្លារប៉ុណ្ណោះ ក្នុងមួយម៉ោង និងបង្ខំឲ្យពួកគេធ្វើការបន្ថែមម៉ោង (OT) រហូតដល់ទៅ ៨២ម៉ោងក្នុងមួយខែ។

បើយោងតាមសារព័ត៌មាន Washington Post បានរាយការណ៍ថា ក្រុមហ៊ុនសំលៀកបំពាក់ G-III Apparel Group ដែលបានកាន់កាប់អាជ្ញាប័ណ្ណផ្ដាច់មុខ ក្នុងការផលិតសំលៀកបំពាក់របស់ អ្នកស្រី Ivanka Trump ចាប់តាំងពីឆ្នាំ២០១២ មក កម្មករធ្វើការជិត ៦០ម៉ោង ក្នុងមួយសប្ដាហ៍ តែទទួលបានប្រាក់ឈ្នួលត្រឹមតែ ៦២ដុល្លារប៉ុណ្ណោះ។

ប្រភពដដែលបានឲ្យដឹងទៀតថា អ្នកស្រី Ivanka មានរោងចក្រជាច្រើនទៀត នៅក្នុងប្រទេសវៀតណាម បង់ក្លាដេស និង អាមេរិកខាងត្បូង។

របាយការណ៍ដ៏គួរឲ្យភ្ញាក់ផ្អើលខាងលើ ត្រូវបានចេញផ្សាយ នៅពេលដែលការលក់សំលៀកបំពាក់របស់អ្នកស្រី Ivanka បានហក់ឡើងខ្លាំង។ ការលក់នោះបានឡើងរហូតដល់ទៅ ៣៣២ភាគរយ នៅក្នុងខែមករា និងកុម្ភៈ បើធៀបទៅនឹងឆ្នាំមុន។ នេះបើយោងតាមសារព័ត៌មាន CNN Money៕