របៀបមើលស៊ុត ជៀសវាងប៉ះស៊ុតក្លែងក្លាយពីចិន
- 2017-04-27 07:45:33
- ចំនួនមតិ 0 | ចំនួនចែករំលែក 0
របៀបមើលស៊ុត ជៀសវាងប៉ះស៊ុតក្លែងក្លាយពីចិន
ចន្លោះមិនឃើញ
អ្នកនិយមប្រើប្រាស់ស៊ុតនៅម៉ាឡេស៊ី បានភ្ញាក់ផ្អើលយ៉ាងខ្លាំង បន្ទាប់ពីបានរកឃើញស៊ុតក្លែងក្លាយ ដាក់លក់នៅលើទីផ្សារ កាលពីឆ្នាំ២០១១។
ទោះជាយ៉ាងណា សមាគម «Consumer Association of Penang» នៅក្នុងប្រទេសម៉ាឡេស៊ី បានរកឃើញពីភាពខុសគ្នា រវាងស៊ុតពិតប្រាកដ និង ស៊ុតក្លែងក្លាយ។
បើយោងតាមក្រសួងសុខាភិបាលម៉ាឡេស៊ី បានឲ្យដឹងថា សំបកស៊ុតក្លែងក្លាយ ត្រូវបានផលិតឡើងពីកាបូនកាល់ស្យូម (Calcium Carbonate) ហើយ ស៊ុតលឿង និង ស៊ុតស មានសមាសភាពនៃសារធាតុគីមីជាច្រើន ដូចជា សាច់ជូរ (Alum), អាស៊ីដ Benzoic, សូដ្យូម Alginate, កាល់ស្យូមក្លរួ, ជាតិខាប់អន្ធិល (Gelatin) និង ទឹក ជាដើម។
សារព័ត៌មាន AsiaOne របស់ប្រទេសសិង្ហបុរី បានឲ្យដឹងថា ស៊ុតក្លែងក្លាយទាំងនោះ ភាគច្រើនទំនងជាមានប្រភពដើមមកពីប្រទេសចិន។ ស៊ុតក្លែងក្លាយ មានសំបកគ្រើម មូល និងធំជាង ស៊ុតពិតប្រាកដ។
ជាមួយគ្នានេះដែរ សមាគមខាងលើ បានឲ្យដឹងទៀតថា ស៊ុតក្លែងក្លាយ គ្មានក្លិនអ្វីទាំងអស់ មិនដូចជាស៊ុតពិតប្រាកដ ដែលមានក្លិនដូចសាច់នោះទេ។ ស៊ុតលឿងនៅក្នុងស៊ុតក្លែងក្លាយ ក៏មានពណ៌លឿងជាង ស៊ុតលឿងនៅក្នុងស៊ុតពិតប្រាកដ ផងដែរ។
មិនតែប៉ុណ្ណោះ ស៊ុតក្លែងក្លាយ នឹងបញ្ចេញសំឡេងទឹក នៅពេលដែលអ្នកក្រឡុកវា ព្រោះថាសារធាតុគីមីនៅខាងក្នុងនោះ មិនកកឡើយ៕
សូមទស្សនាវីដេអូខាងក្រោម៖