ស្មាតហ្វូនបំពាក់កាមេរ៉ាភ្លោះ ៤ ម៉ូដែល ត្រៀមលេចចេញនាឆ្នាំ ២០១៧ នេះ

2017-04-28 04:04:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការវិវត្តនៃស្មាតហ្វូននាពេលបច្ចុប្បន្ន ហាក់បីជាមានសន្ទុះកាន់តែខ្លាំងឡើងៗ។ មិនថាតែការរចនានៃរូបរាង កម្លាំងម៉ាស៊ីន គួបផ្សំនឹងផ្នែកកាមេរ៉ា ដែលសុទ្ធសឹងតែជាតម្រូវការចាំបាច់របស់អតិថិជនមុនការរកទិញស្មាតហ្វូនណាមួយ។

របាយការណ៍មួយបង្ហាញថា មានស្មាតហ្វូនចំនួន ៤ ម៉ូដែលដែលត្រៀមភ្ជាប់មកជាមួយកាមេរ៉ាភ្លោះ ហើយលេចចេញវត្តមាននាឆ្នាំ ២០១៧ នេះ។

១. Galaxy Note 8 ពី SAMSUNG: រូបភាពមួយសន្លឹកដែលបង្ហោះផ្សាយដោយលោក Eldar Murtazin នៅលើប្រព័ន្ធ Twitter ជុំវិញរូបរាងរំពឹងទុករបស់ Note 8 ។ គេជឿជាក់ថា វានឹងមានការបង្ហាញខ្លួននាអំឡុងខែកញ្ញាខាងមុខនេះ ជាមួយការផ្លាស់ប្ដូរមកបំពាក់កាមេរ៉ាភ្លោះពីរគ្រាប់។

២. iPhone 8 ពី Apple: នាគម្រប់ខួប ១០ ឆ្នាំនៃការផលិត iPhone គេជឿជាក់យ៉ាងមុតមាំ រូបរាងរបស់ទូរស័ព្ទ iPhone ជំនាន់ក្រោយ នឹងមានការផ្លាស់ប្តូរច្រើន ហើយចំពោះផ្នែកកាមេរ៉ានឹងមានជាបែបកាមេរ៉ាភ្លោះ បញ្ឈរខុសពី iPhone 7+ ឆ្នាំទៅ។

៣.OnePlus 5: ក្រោមរូបភាពមួយសន្លឹក លេចចេញពីគេហទំព័រ India Today កាលពីថ្ងៃពុធកន្លងទៅ បានបង្ហាញពីគម្រូរាងរបស់ OnePlus 5 ជំនាន់ក្រោយ ដែលត្រៀមបំពាក់កាមេរ៉ាភ្លោះពីរគ្រាប់បង្ហាញខ្លួននាអំឡុងខែមិថុនាខាងមុខនេះ។

៤. Google Pixel 2: យោងតាមប្រភពពី Wccftech ក៏បានបង្ហាញពីកម្រងរូបភាពមួយចំនួន តាំងពីខែមិនាកន្លងទៅ ដែលថា Pixel 2 ជំនាន់ក្រោយរបស់ក្រុមហ៊ុនយក្សអាមេរិក Google នឹងវិវត្តការផ្លាស់ប្តូរទៅជាការបំពាក់កាមេរ៉ាភ្លោះពីរគ្រាប់។

ប្រភព:

ប្រភព៖ ibtimes ប្រែសម្រួល៖ ប៊ុណ្ណារ៉ា