ក្រុមប្រជែងកៅអី Champions League ៣សុទ្ធតែខកចិត្តនៅសប្ដាហ៍៣៤
- 2017-05-01 01:57:44
- ចំនួនមតិ 0 | ចំនួនចែករំលែក 0
ក្រុមប្រជែងកៅអី Champions League ៣សុទ្ធតែខកចិត្តនៅសប្ដាហ៍៣៤
ចន្លោះមិនឃើញ
Manchester City, Arsenal និង Manchester United សុទ្ធតែខកខានឱកាសដណ្ដើម៣ពិន្ទុទាំងអស់ក្នុងការប្រកួត Premier League សប្ដាហ៍ទី៣៤នេះ។
ការប្រកួតនៅកីឡដ្ឋាន Old Trafford ក្រុមបិសាចក្រហម Man Utd ដែលស្វាគមន៍ Swansea នោះបានត្រឹមស្មើគ្នា ១-១ ប៉ុណ្ណោះនៅចំពោះមុខអ្នកគាំទ្ររបស់ខ្លួនប្រមាណជាង៧ម៉ឺននាក់។ ក្នុងការប្រកួតយប់មិញម្ចាស់ផ្ទះមានឱកាសនាំមុខមួយគ្រាប់មុនជាការទាត់ប៉េណាល់ទីរបស់ Rooney នៅនាទី៤៥ ហើយនៅចុងវគ្គទីពីរ ក្រុមភ្ញៀវតាមបានស្មើដោយការទាត់បាល់ Free Kick របស់ ខ្សែបម្រើ Sigurdsson។
Manchester City ដែលជួបក្រុមបាតតារាង Middlesbrough ក៏មានវាសនាមិនខុសពីអ្នកជិតខាងរបស់ខ្លួនប៉ុន្មានដែរ ពោលគឺបានមួយពិន្ទុប៉ុណ្ណោះពីទឹកដី Riverside Stadium។ ក្នុងវគ្គទីមួយលេងបាន ៣៨ នាទី Negredo អតីតកីឡាករ Man City ផ្ទាល់បានស៊ុតទម្លាយសំណាញ់ឲ្យម្ចាស់ផ្ទះនាំមុខមួយគ្រាប់មុន។ នៅនាទី ៦៧ Agüero តាមស្មើបានវិញជាការទាត់បាល់ពិន័យប៉េណាល់ទី។ នាទី៧៧ Chambers ស៊ុតឲ្យ Middlesbrough នាំមុខសារជាថ្មីតែចុងម៉ោង Jesus តែតឲ្យក្រុមទាំងពីរបញ្ចប់ក្នុងលទ្ធផល ២-២។
រីឯ Arsenal វិញកាន់តែឃ្លាតឆ្ងាយពីឱកាសដណ្ដើមកៅអី Champions League មែនទែនហើយបន្ទាប់ពីចាញ់ Tottenham Hotspur ០-២ ធ្វើឲ្យពួកគេតាមពីក្រោយក្រុមលេខ៤ រហូត៦ពិន្ទុហើយប្រកួតក្រោយត្រូវប៉ះជាក្រុមខ្លាំង Manchester United ទៀត៕