ជប៉ុន បញ្ជូននាវាចម្បាំងធំបំផុតរបស់ខ្លួន ទៅការពារនាវាអាមេរិក
- 2017-05-01 06:19:46
- ចំនួនមតិ 0 | ចំនួនចែករំលែក 0
ជប៉ុន បញ្ជូននាវាចម្បាំងធំបំផុតរបស់ខ្លួន ទៅការពារនាវាអាមេរិក
ចន្លោះមិនឃើញ
យោងតាមសារព័ត៌មាន BBC បានឲ្យដឹងថា ជប៉ុន បានបញ្ជូននាវាចម្បាំងធំបំផុតរបស់ខ្លួន នៅក្នុងប្រតិបត្តិការលើកដំបូងបង្អស់ ចាប់តាំងពីបានអនុម័តច្បាប់ដ៏ចម្រូងចម្រាស ស្ដីពីការពង្រីកតួនាទីយោធារបស់ខ្លួន នៅក្នុងឆ្នាំ២០១៥។
នាវាចម្បាំងដឹកឧទ្ធម្ភាគចក្ររបស់ជប៉ុន មានឈ្មោះថា Izumo បានអមដំណើរ ដើម្បីការពារនាវាដឹកសម្ភារៈផ្គត់ផ្គង់របស់អាមេរិក ដែលធ្វើដំណើរទៅចាក់សាំងឲ្យកងនាវាចរ។ នាវា Izumo ដែលមានប្រវែង ២៤៩ម៉ែត្រ អាចដឹកឧទ្ធម្ភាគចក្ររហូតដល់ទៅ ៩គ្រឿង ហើយមានលក្ខណៈប្រហាក់ប្រហែលទៅនឹង នាវា Amphibious Assault Ship របស់សហរដ្ឋអាមេរិកដែរ។
ទីភ្នាក់ងារព័ត៌មាន Kyodo បានឲ្យដឹងថា នាវា Izumo បានចាកចេញពីមូលដ្ឋានរបស់ខ្លួន ក្នុងទីក្រុង Yokosuka ភាគខាងត្បូងទីក្រុង Tokyo ដើម្បីចូលរួមជាមួយនាវាដឹកសម្ភារៈផ្គត់ផ្គង់អាមេរិក និងរួមដំណើរជាមួយគ្នា ឆ្ពោះទៅកាន់កោះ Shikoku ភាគខាងលិច ប្រទេសជប៉ុន៕