ស្រួលបាត់! អនុវត្តប៉ុន្មានយ៉ាងនេះ អាចការពារផ្ដាសាយ ពេលកំពុងប្រើម៉ាស៊ីនត្រជាក់

2017-05-02 08:35:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រើប្រាស់ម៉ាស៊ីនត្រជាក់អាចធ្វើឲ្យប្រិយមិត្តមួយចំនួនកើតផ្ដាសាយ ឬធ្វើឲ្យជំងឺនេះកាន់តែធ្ងន់ធ្ងរជាងមុន។ អ៊ីចឹងមែនអត់? ឈប់បារម្ភទៀតទៅ ព្រោះអី Sabay នឹងប្រាប់ពីគន្លឹះខ្លះៗដើម្បីបង្ការផ្ដាសាយ ពេលកំពុងប្រើម៉ាស៊ីនត្រជាក់។

សម្អាតតម្រងម៉ាស៊ីនត្រជាក់៖ បើមិនបានពិនិត្យ និងសម្អាតវាឲ្យបានត្រឹមត្រូវទេ ម៉ាស៊ីនត្រជាក់ប្រាកដជាបញ្ចេញខ្យល់កខ្វក់មក ដែលធ្វើឲ្យប៉ះពាល់ផ្លូវដង្ហើម ជាមូលហេតុនាំឲ្យកើតផ្ដាសាយ។

កម្ចាត់ធូលី៖ បើសម្អាតតែម៉ាស៊ីនត្រជាក់ តែបរិយាកាសជុំវិញសុទ្ធតែដី ក៏ផ្ដាសាយនៅតែកើតបានយ៉ាងងាយ។ ចឹងត្រូវប្រាកដថាបន្ទប់អ្នកគឺស្អាត ពិសេសនៅតាមកម្រាលព្រំ ភួយ វាំងនន ជាដើម ព្រោះវាមានសាច់កំណាត់តូចៗច្រើនដែលដីផ្ទុកក្នុងនោះច្រើន ហើយក៏ងាយជ្រុះដែរ។

សីតុណ្ហភាព៖ ចំណុចនេះងាយកើតឡើងសម្រាប់កូនក្មេង និងមនុស្សចាស់ ព្រោះកាយសម្បទាមិនសូវរឹងមាំ។ គួរកំណត់សីតុណ្ហភាពម៉ាស៊ីនត្រជាក់ឲ្យសមស្របល្មម។ បើត្រជាក់ ឬក្ដៅពេក សុទ្ធតែមិនល្អសម្រាប់សុខភាព។

កុំព្យាយាមនៅមុខខ្យល់៖ ទោះបីជាយើងថែទាំវាយ៉ាងណា ក៏មិនអាចធានា ១០០% ថា ខ្យល់ម៉ាស៊ីនត្រជាក់នោះគ្មានដីសោះនោះឡើយ ចឹងព្យាយាមកុំនៅមុខខ្យល់ម៉ាស៊ីនត្រជាក់។

ជ្រើសរើសម៉ាស៊ីនត្រជាក់ឲ្យបានត្រឹមត្រូវ៖ មុនទិញ ត្រូវគិតលើបច្ចេកវិទ្យារបស់ម៉ាស៊ីនត្រជាក់ម៉ាកមួយហ្នឹង ដែលអាចបន្សុទ្ធខ្យល់បរិសុទ្ធបានល្អមិនប៉ះពាល់ដល់ផ្លូវដង្ហើម និងសុខភាព ខណៈធ្វើឲ្យបន្ទប់ត្រជាក់លឿន។ ម៉ាស៊ីនត្រជាក់ស៊េរីថ្មី Samsung 8 Pole Digital Inverter 2017 មានបច្ចេកវិទ្យានេះ ធ្វើឲ្យខ្យល់ត្រជាក់ ហើយមិនមានមេរោគទៀត។

៥ យ៉ាងនេះ សុទ្ធតែជាវិធីងាយៗដែលយើងអាចធ្វើបានដោយខ្លួនឯង ទោះបីជាវិធីនេះមិនប្រាកដថាអាចបង្ការបាន ១០០% ក្ដី តែយ៉ាងណាក៏ជួយកាត់បន្ថយបានខ្លះដែរ៕

អត្ថបទ៖ វិទូ