CEO នៅកូរ៉េខាងត្បូងរកចំណូលបានលើសបុគ្គលិកធម្មតាប៉ុន្មានដង?

2017-05-03 03:27:41
ចំនួនមតិ 0 | ចំនួនចែករំលែក 0

ចន្លោះមិនឃើញ

មិនមានអ្វីចម្លែកនោះទេដែលនាយកប្រតិបត្តិក្រុមហ៊ុន (CEO) អាចរកចំណូលប្រចាំឆ្នាំបានលើសពីបុគ្គលិកធម្មតានោះ ប៉ុន្តែអ្វីដែលគួរឲ្យចាប់អារម្មណ៍នោះគឺចង់ដឹងថាចំណូលដែលបានលើសពីបុគ្គលិកធម្មតាប៉ុន្មានដង។

លោក Kwon Oh Hyun នាយកប្រតិបត្តិ Samsung Electronics

តាមការសិក្សាថ្មីៗនេះបានបង្ហាញថានាយកប្រតិបត្តិក្រុមហ៊ុនកូរ៉េខាងត្បូងជាមធ្យមរកចំណូលបានលើសបុគ្គលិកធម្មតាចំនួន ២២ ដង។ គម្លាតចំណូលរវាងបុគ្គលិកធម្មតា និង នាយកប្រតិបត្តិដែលខុសគ្នាខ្លាំងជាងគេគឺក្រុមហ៊ុន Samsung Electronics ដែលលោក Kwon Oh Hyun រកចំណូលប្រចាំឆ្នាំបាន ៥,៨៦ លានដុល្លារ លើសពីបុគ្គលិកធម្មតា ៦២ ដង ដែលជាមធ្យមរកបាន ៩៥ ០០០ ដុល្លារក្នុងមួយឆ្នាំ។

លោក Kwon Oh Hyun

ចំពោះក្រុមហ៊ុនធំៗមួយចំនួនទៀតគម្លាតនេះមានភាពស្រដៀងគ្នាដូចជាលោក Kim Tae Han នាយកប្រតិបត្តិ Samsung Biologics រកចំណូលលើសបុគ្គលិកធម្មតា ៥៤ ដង។ ឯក្រុមហ៊ុនភាគច្រើនទៀតមានគម្លាតខុសគ្នាតូចដូចជា LG Display និង SK Innovation មានគម្លាតចំណូលខុសគ្នាចន្លោះ ២០ ទៅ ៣០ ប៉ុណ្ណោះ។

ដោយឡែកគម្លាតចំណូលរវាងបុគ្គលិកធម្មតា និង នាយកប្រតិបត្តិនៅសហរដ្ឋអាមេរិកឯណោះវិញជាមធ្យមគឺខុសគ្នាដល់ ៣០០ ដង ដែលនេះបញ្ជាក់ឲ្យឃើញថាគម្លាតចំណូលរវាងបុគ្គលិកធម្មតា និង នាយកប្រតិបត្តិនៅកូរ៉េខាងត្បូងមិនជាធំប៉ុន្មានឡើយ៕

ប្រភព៖ Koreaboo ប្រែសម្រួល៖ សុខហេង