ដូណាល់ ត្រាំ និងពូទីន យល់ព្រមដោះស្រាយបញ្ហាកូរ៉េខាងជើងរួមគ្នាហើយ

2017-05-03 04:03:48
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រធានាធិបតីអាមេរិកលោក ដូណាល់ ត្រាំ និងប្រធានាធិបតីរុស្ស៊ីលោក វ៉្លាឌិមៀ ពូទីន បានយល់ព្រមធ្វើការរួមគ្នាដោះស្រាយបញ្ហាគំរាមកំហែងរបស់កូរ៉េខាងជើងតាមផ្លូវការទូតហើយ បន្ទាប់ពីកើតមានភាពតានតឹងជាច្រើនសប្ដាហ៍រវាងកូរ៉េខាងជើង និងអាមេរិក។

ដូណាល់ ត្រាំ, រូបភាពផ្ដល់សិទ្ធិដោយ Reuters

សេតវិមានបានបញ្ជាក់ក្នុងសេចក្ដីថ្លែងការណ៍ខ្លីមួយកាលពីថ្ងៃអង្គារទី ២ឧសភា ម្សិលមិញដោយអំពាវនាវមេដឹកនាំប្រទេសទាំងពីរត្រូវជជែកគ្នារកដំណោះស្រាយចំពោះស្ថានភាពដ៏គ្រោះថ្នាក់បំផុតនៅកូរ៉េខាងជើង។

ចំណែកវិមានក្រែមឡាំងរបស់រុស្ស៊ីបញ្ជាក់ថា លោកពូទីន និងលោកត្រាំ បានយល់ព្រមគ្នាហើយតាមរយៈការឆ្លើយឆ្លងតាមទូរសព្ទ ដើម្បីរៀបចំពេលវេលាពិភាក្សាទល់មុខនៅខែកក្កដាខាងមុខ ក្នុងប្រទេសអាល្លឺម៉ង់ ចំពេលកិច្ចប្រជុំ G20 នៅទីក្រុង Hamburg។

លោក Matthew Wallin អ្នកជំនាញជាន់ខ្ពស់ផ្នែកសន្តិសុខអាមេរិកបង្ហើបថា ឥទ្ធិពលរបស់រុស្ស៊ីនឹងជួយបានច្រើនចំពោះបញ្ហាកូរ៉េខាងជើងប៉ុន្តែមិនច្រើនដូចចិនឡើយ។ ទោះយ៉ាងណា គេមិនច្បាស់ថា តើពូទីន ឬស៊ី ជីនពីន ចង់ដាក់សម្ពាធលើគីម ជុងអ៊ុន ឬអត់ទេ។ លើសពីនេះ មេដឹកនាំទាំងពីរក៏បានព្រមធ្វើការរួមគ្នាចំពោះវិបត្តិស៊ីរីដែរ៕